Accessibility links

шимбә, 10 декабрь 2016, Казан вакыты 10:10

Qısqa xäbärlär


Qısqa xäbärlär

Axırda ike yarım-räsmi xäbär. Rusiäneñ Federatsiä sovetında Tatarstan Däwlät Sovetınıñ wäkile itep kemne quyarlar ikän? Däwlät Sovetı räise Färit Möxämmätşin yäkşämbe kiçendä televidenie aşa çığış yasap, min ul keşene beläm, yaña yıl aldınnan anıñ belän oçraşıp Federatsiä sovetına saylanırğa rizalığın aldım. Ul soñğı waqıttağı moda buyınça Mäskäwdä yäşäwçe eşquar yäki säyäsätçe tügel, Tatarstan keşese, dide Färit Möxämmätşin. Ämma, parlament citäkçese yaña senatornıñ isemen iğlan itmäde. Ul bu kandidatnı sessiä könne genä deputatlarğa täqdim itärgä cıyına ikän.

Düşämbe kiçendä, şulay uq, zur yarım-räsmi waqiğä. «Tatar cırı-2001» bäygeseneñ gala-konsertında uzğan yılnıñ 16 cırnıñ avtorlarına «Altın bars» büläkläre tapşırılaçaq. Bäyäse 200-dän alıp 500-gä qädär sum bulğan biletlarnı tabu mömkin tügel. Mintimer Şäymiev, Färit Möxämmätşin häm başqa räsmi zatlar da şuşı konsertqa kilergä tieş. Bik küp kenä tamaşaçılar yıl buyı yañğırağan popular äsärlärdän bigräk zur citäkçelärne häm mäşhür keşelärne kürep, alarnıñ älege milli şlägerlärne tıñlawın üz küzläre belän qararğa telilär. Bu show business häm tamaşa waqiğäseneñ real' säyäsätkä yäki milli täräqqıätkä tä'sire turında soñraq bergäläşep uylaşırbız.

Şuşı könnärdä Qazanda tağın ber dini, fänni, dönyawi çara ütäçäk. 9 ğinwarda «Qazan» milli-mädäni üzägendä däwlät Ermitajı fondlarınnan «İslam dine sänğäte» kürgäzmäse açıla. Şul uq temağa fänni konferensiä 10 ğinwarda «Qazan» milli-mädäni üzägendä açılaçaq.

«Azatlıq» radiosı öçen Qazannan Rimzil Wäli
XS
SM
MD
LG