Accessibility links

җомга, 9 декабрь 2016, Казан вакыты 03:09

Rusiä Konstitutsiäsen qabul itär aldınnan ütkärelgän referendumda Tatarstan xalqı qatnmaşmadı… Tarixi beleşmä


Rusiä Konstitutsiäsen qabul itär aldınnan ütkärelgän referendumda Tatarstan xalqı qatnmaşmadı… Tarixi beleşmä

Tatarstan cämägatçelege, xäteregezdä bulsa, bu könne tawış birü uçastoqlarına ayaq basmaw öçen, üzençä köräş alıp bardı. Ul waqıtta, Rusiä Konstitutsiäsen yaqlıym, dip tawış birü, Tatarstannıñ töp qanunın, häm 1992 yılda ütkärelgän referendum näticälären kimsetü bulır ide. Milli xäräkät wäkilläre tawış birergä barmaw gına tügel, bu eşneñ oyıştırıluın qüzätep tordı. Kiçkä taba tawış birü urınnarına barıp, qızıqsıngan jurnalistlarga, quanıçlı çıray belän «kilüçelär 10% ta yuq», dip söyençe aldı. Konstitutsiä öçen tawış birmäü — Tatarstan möstäqıllegen saqlawga bäräbär ide. Üzgärde zamana, üzgärde…

Xäzer inde, Rusiä parlamentın tanklardan tuplardan attırıp, qatı qul belän Konstitutsiäne äzerlätkän Boris Yeltsin sağındıra. İçmasam, anıñ belän şartanämä tözep, Rusiä häm Tatarstan konstitutsiäläre arasındagı täñgälsezleklärne caylagan idelär. Ä xäzer şul yamaulıqnı alıp taşlap Tatarstannıñ töp qanunın sönnätlärgä tırışalar. Yarıy äle respubliqanıñ üzen saqlap qalıp bulsa. Yarıy äle 6 noyaber onıtılmasa. Şul könne, yagni 1992 elnıñ 6 noyaberendä Tatarstan konstitutsiäse qabul itelgän ide. Tatarstan xakimiät organnarınıñ, parlamentınıñ şuşı respublikanıñ töp qanunın saqlaw öçen tırışqanı kürenep tora.
XS
SM
MD
LG