Accessibility links

җомга, 9 декабрь 2016, Казан вакыты 14:36

Yaña yılda Tatarstanda qayber oyışmalar häm şäxeslär İnternetta üz säxifälären oyıştıruğa totındı


Yaña yılda Tatarstanda qayber oyışmalar häm şäxeslär İnternetta üz säxifälären oyıştıruğa totındı

Xäbär itkänebezçä, Tatarstan pravoslavları zurlap Raştua bäyrämen bilgeläp üttelär. Şuşı bäyräm könnärendä rus pravoslav çirkäweneñ Qazan yeparxiäse İnternet çeltärendä üzeneñ serverın oyıştıruğa totınğan. EPARHIA.RU säxifäse proektına Qazan häm Tatarstan arxiepiskopı Anastasiy ataqay inde xäer-fatixasın birgän, di. Proyektta İnternet server qısalarında Qazan yeparxiäsenä kergän barlıq çirkäwlär, monastırlarnıñ säxifälärne buldıru küzallana. Menä şulay, xäzerge zamanda arxiepiskop belän dä İnternet aşa turıdan-turı elemtägä kerep bulaçaq.

Ä menä www.notatar.narod.ru säxifäsen açuğa kem xäyer-fatixa birgänder, anısı açıq tügel. Bu säxifä Tatarstan mäktäplärendä tatar telen mäcbüri uqıtu problemaları buyınça söyläşü öçen oeştırılğan bulıp çığa. Mäğlüm ki, şuşı mäs’äläne balasın tatarça uqıtu belän rizalaşmağan Xapugin familiäle ber yurist kütärep çıqqan ide. Vaxitov rayon mäxkämäse Xapugin şiqayäten kire qaqtı, çönki xoquqıy yaqtan mondıy şiqayätkä nigez yuq. Rusiä Konstitutsiäse buença da, Tatarstan Konstitutsiäse buença da tatar tele rus tele belän tigez xoquqlı. Tatar teleneñ mäcbürilege arifmetika, fizika fännäreneñ mäcbürilege xätle genä. Ägärdä Xapugin häm notatar.narod.ru säxifäsen oeştıruçılar artınnan barsañ, şundıy här bala üze telägän fännärne genä, üze saylap alğan programma buença ğına uqırğa tieş, digän ber absurd näticägä kilergä mömkin. Yaña yıl aldınnan şundıy uydırma problema tabıp çığaruçılarnıñ tawışı tıñğan şikelle ide inde. Läkin taba astındağı utnı köyrätep utıruçılar bar ikän äle.
XS
SM
MD
LG