Şul uq waqıtta tatar cırı, tatar sänğate turında citdi uylanular, citdi fikerläşülär dä buldı. Yazuçı häm avtor-başqaruçı Zölfät Xäkim uzğan yılda küptän kötelgän yaña al'bomın çığardı. Ul «Sentäber alamaları» dip atala. Şuşı al'bomnı täqdim itü kiçäse yıl azağında zur uñış belän uzdı. Dekaber aenda Zölfät Xäkimneñ «Çaptı atım Qazanğa» spektakle säxnägä queldı. Şuşı spektakl'dä «Sentäber almaları» al'bomına kergän cırlar Rawil Şäräfiev kebek tanılğan artistlar tarafınnan başqarıldı. Älege spektakl' tamaşaçılarnı bitaraf qaldırmadı. Küptän işetelmägän tänqıytçelär älege spektakl'dän ällä nindi tormış mäğnäläre, fälsäfi töşençälär ezläp taptılar. Qısqası, cırlar spektakl'ne bizädelär, ä cırlarnı spektakl'neñ eçtälege tağı da xalıqqa yaqınayttı, populyarlaştıyrdı. Xäzer gala-konsert könne Zölfät Xäkimneñ «Azatlıq» radiosına birgän interv'yusınnan ber özek:
Zölfät Xäkim ixlas küñelennän üzeneñ «Sine yuğaltqan könne» cırınıñ ul qadär ük populyarlaşuın häm şundıy populyar bäygedä laureat bulaçağın kötmägän idem, di. Ul bu cırnıñ «Çaptı atım Qazanğa» digän p'yessasına yazuı turında äytä. Läkin bu cırğa ul oranjirovka yasap, estrada cırı bularaq, başqara häm anı «Sentäber almaları» digän al'bomına berençe cır itep kertä.
«Tatar cırı-2001» festivaleneñ laureat cırları arasında Fänis Yärullin süzläre Osqar Usmanov köenä yazılğan «Yoldızlar yañğırı», Razil Wäliev süzlärenä Almaz Xamzin köenä «Öç ğaşıyq», Fänis Yärullin süzlärenä Färit Xatıypov köyenä «Barmağımda yözegem» cırları da bar. 16 laureat cır kergän CD tälinkäse inde äzer. Tatar-İnform agentlığı gala-konsertnı qarağannan soñ Prezident Mintmier Şäymiev bu tamaşanı Qazannan häm Tatarstannan çittäge millättäşlärebez dä kürergä tieş, dip Tatarstan Däwlät teleradiokompaniäse räise İlşat Äminovqa häm «Bars media» general' direktorı Marat Gäräewkä «Tatar cırı-2001» gala-konsertınıñ video-kassetaların eşläp citkerergä, digän telägen belderde, dip xäbär itte.
Şulay itep, şöker, tatarlar cırların, cırçıların yarata, xörmät itä. Çönki gala-konsertta äytelgänçä, cır barında millät bar, millät barında cır bar.
Yunıs Ätnäle
Zölfät Xäkim ixlas küñelennän üzeneñ «Sine yuğaltqan könne» cırınıñ ul qadär ük populyarlaşuın häm şundıy populyar bäygedä laureat bulaçağın kötmägän idem, di. Ul bu cırnıñ «Çaptı atım Qazanğa» digän p'yessasına yazuı turında äytä. Läkin bu cırğa ul oranjirovka yasap, estrada cırı bularaq, başqara häm anı «Sentäber almaları» digän al'bomına berençe cır itep kertä.
«Tatar cırı-2001» festivaleneñ laureat cırları arasında Fänis Yärullin süzläre Osqar Usmanov köenä yazılğan «Yoldızlar yañğırı», Razil Wäliev süzlärenä Almaz Xamzin köenä «Öç ğaşıyq», Fänis Yärullin süzlärenä Färit Xatıypov köyenä «Barmağımda yözegem» cırları da bar. 16 laureat cır kergän CD tälinkäse inde äzer. Tatar-İnform agentlığı gala-konsertnı qarağannan soñ Prezident Mintmier Şäymiev bu tamaşanı Qazannan häm Tatarstannan çittäge millättäşlärebez dä kürergä tieş, dip Tatarstan Däwlät teleradiokompaniäse räise İlşat Äminovqa häm «Bars media» general' direktorı Marat Gäräewkä «Tatar cırı-2001» gala-konsertınıñ video-kassetaların eşläp citkerergä, digän telägen belderde, dip xäbär itte.
Şulay itep, şöker, tatarlar cırların, cırçıların yarata, xörmät itä. Çönki gala-konsertta äytelgänçä, cır barında millät bar, millät barında cır bar.
Yunıs Ätnäle