Accessibility links

Кайнар хәбәр

Tatar yazuın latin grafikasına küçerügä qarşı xatnı kem yazğan?


Tatar yazuın latin grafikasına küçerügä qarşı xatnı kem yazğan?

Çärşämbe, 9 ğinwar könne bezneñ külğa qızıqlı dokumentlar kilep kerde. Rusiä Federatsiä Şurası apparatınnan Tatarstan Prezidentı administratsiäsenä ber möhim xat kilep töşkän. Federatsiä Şurası apparatı citäkçese, Pogrebnoy äfände, «Garipovnıñ xatın tikşeregez» dip, şuşı qäğäzlärne Qazanğa cibärgän. «Nindi Garipov xatı ikän soñ ul?», dip sorarsız. Bu dokumentlar cıyıntığında «Garipov xatı» da kiterelä. Rusiä Prezidentına, Dumağa, häm Federatsiä şurasına yünälgän bu xatta şundıy süzlär urın alğan:

«Bez Qazan Yuğarı uqu yortlarınıñ yäş ğalimnäre häm studentları tatar telen latin grafikasına küçerelüwenä kisken protest belderäbez… Millätçelär törkemeneñ bu ğamälen tuqtatunı sorıybız.»

Älege yazma astında 156 keşeneñ imzası tora. Cibärüçe digän yulda — Qazan Däwlät Universitetı adresı qürsätelgän. Garipov digän familiä, berençelärdän bulıp tora häm şuña küräder dä, bu xatnı anıñ iseme belän yörtä başlağannar. Bez yäş ğalimnär şurasın citäklägän Garipov Nailne ezläp taptıq häm annan añlatmalar birüne soradıq. Bu xat turında Nail äfände xäbärdär ikän. Ul bu xaqta tübändägelärne belderde:

«Min bu xat astında imzamnı quymadım. Min Tarix İnstitutınıñ aspirantlar berläşmäse citäkçese bularaq, yäşlärneñ fikeren beläm, alar belän aralaşam. Bu xatta äytelgän süzlär döreslektän yıraq. Bu, minemçä, nindider keşelär tarafınnan oyıştırılğan provokatsiä.»

Nail efände Garipov bu xattağı imzanı üzeneke dip tanımadı. Yäğni mäğlüm xatqa bu Ğaripownıñ familiädäşe qul quyğan bulırğa mömkin. Qazan Däwlät Universitetında da, başqa uqu yortlarında da şuşı imza quyuçılarnı ezlärgä çıqsaq, mögäyen taba almabız. Çönki anonim xatlarnıñ avtorların açıqlaw, bik awır eş.
XS
SM
MD
LG