Accessibility links

якшәмбе, 4 декабрь 2016, Казан вакыты 00:49

Tatarstan Konstitutsiäseneñ yaña redaksiäse äzer


Tatarstan Konstitutsiäseneñ yaña redaksiäse äzer

Säyäsi temağa çärşämbe könne Tatarstan Däwlät Şurasındağı ber çarada qağılıp kittelär. Däwlät Şurasınıñ zakonçılıq, reglament häm deputat etikası daimi komissiäse räise Midxät Qormanov matbuğat oçraşuı ütkärde. Rusiä Federatsiäseneñ administrativ tärtip bozular turında Kodeks qabul itüenä bağışlanğan ide. Mäğlüm bulğança, älege Kodeksnı Rusiä Prezidentı Yaña yıl aldınnan imzaladı. 1 yüldän ul köçenä kerä. Midxät Qormanov älege Kodeksnıñ bik qırıs buluı häm andağı ştraflar küläme elekkege sovet çorın xäterlätä, digän fiker äytte. Çönki waq-töyak tärtip bozular öçen dä 15 şär minimal’ xezmät xaqı külämendä ştraf qaralğan. Äytik, uramda särxüş kileş çıqqan keşegä 1-2 meñ sum ştraf salınaçaq. Şuña kürä äle Tatarstannıñ yomşağraq, keşe xälenä kerep, qabul itelgän administrativ tärtip bozular turındağı qanunnarı sağınıp iskä alınır, dielde matbuğat oçraşuında. Jurnalistlar matbuğat oçraşunıñ töp temasınnan beraz çığıp, Tatarstan Konstitutsiäse yazmışı turında da soraw birdelär. Tatarstan Konstitutsiäseneñ yaña redaksiäse inde äzer, ämma äle federal' xakimiät tarafınnan ike yaqlı kileşüneñ role tämam bilgelänmäde, dielä matbuğat oçraşuı turındağı räsmi xäbärdä.
XS
SM
MD
LG