Accessibility links

Кайнар хәбәр

2002 yılnıñ berençe yartısına matbuğatqa yazılu näticäläre


2002 yılnıñ berençe yartısına matbuğatqa yazılu näticäläre

İnde 2002 yılnıñ berençe yartı yıllığına matbuğatqa yazılu xälläre turında Çallıdağı xäbärçebez söylägän ide. Tatar-İnform agentlığı pänceşämbe könne räsmi näticälär iğlan itte. Uquçılar respublikada näşer itelä torğan matbuğatnıñ 1 million 13 meñ danäsenä yazılğan. Bu uzğan yılnıñ ikençe yartı yıllığı kürsätkeçeneñ 78% çaması. «Республика Татарстан» gazetası abunäçeläre uzğan yılnıñ ikençe yartısına qarağanda 5 meñgä kimegän. «Watanım Tatarstan» 4,500 abunäçesen yuğaltqan, «Tatarstan yäşläre» 6 meñ çamasın. «Казанские ведомости» gazetası abunäçeläre 5 meñgä artqan. Rusiä matbuğatınıñ ğomum tirajı 12% çaması artqan. Bu näticägä dä älegä kommentariy yuq. Xäer, elemtä bäyäläre, köndälek matbuğatnı taratu bäyäläre artu häm qayber taşlamalar yuqqa çığarılu säbäple gazetqa yazılu bäyäläre kütäreläçäk, abunäçelär sanı kimiäçäk dip aldan uq farazlanğan ide.
XS
SM
MD
LG