Accessibility links

шимбә, 10 декабрь 2016, Казан вакыты 04:19

Diniä nazaräte häm Aqsaqallar Şurası tormışınnan


Diniä nazaräte häm Aqsaqallar Şurası tormışınnan

Respublikanıñ dini tormışındağı xäbärlärdä şulay uq çärşämbe könne Qazanda Sember ölkäse möftie Fatıyx xäzrätneñ Tatarstan Diniä nazaräte räise Ğosman xäzrät belän oçraşuı turında äytelä. Mäğlüm ki, fevral başına Tatarstan möselmannarınıñ ikençe qorıltayı bilgelängän. Räsmi xäbärdä Fatıyx xäzrät belän Ğosman xäzrät Seber möselmannarınıñ şuşı qorıltayda qatnaşuı turında söyläştelär, dielä. Qayber mäğlümat çaralarında Sember möselmannarınıñ Tatarstan möselmannarı belän quşıluı turında süz bara, digän kommentariy birelde.

Räsmi xäbärlärdä şulay uq monnan ay yarım elek başlanğan ber nizagnıñ xäyerle tämamlanuı turında da xäbär itelä. Xäbär itkänebezçä, Tatarstannıñ Aqsaqallar Şurası prezidiumı räis Rafiğulla Xämidullinnı möddätennän alda wazifasınnan azat itü turında qarar çığarğan ide. Rafiğulla Xämidullin bu qarar qanuni tügel, dip bäxäsläşte. Tatar-İnform agentlığınıñ 10 ğinwar xäbärlärendä Aqsaqallar şurasınıñ häm çirattan tış cıyın oyıştıru komitetınıñ berläşterelgän utırışında Aqsaqallar Şurası räise Rafiğulla Xämidullin sälämätlege qaqşaw säbäple wazifasınnan azat itü turında ğariza birde, dielä. Berläşterelgän utırışta qatnaşuçılar bu ğarizanı qanäğätländerdelär häm başqarılğan eşläre öçen räxmät äytep, Xämidullinğa Aqsaqallar Şurası prezidiumı sostavında qalırğa täqdim ittelär, dielä. 17 ğinwarğa bilgelängän cıyında Aqsaqallar Şurası räise wazifasına Tatarstan Yuğarı Sovetınıñ elekkege räise Änwär Bahawetdinov namzäte täqdim iteläçäk, digän faraz bar.

Yunıs Ätnäle
XS
SM
MD
LG