Accessibility links

дүшәмбе, 5 декабрь 2016, Казан вакыты 17:34

Qazanda İslamğa bağışlanğan fänni häm mädäni çaralar uza


Qazanda İslamğa bağışlanğan fänni häm mädäni çaralar uza

Ällä bäyrämnär arqasında, ällä şulay turı kilep, Qazanda bu könnärdä bixisap säyäsi, mädäni çaralar ber-ber artlı uzıp toral. İnde xäbär itkänebezçä, Qazan milli mädäniät üzägendä Däwlät Ermitajı häm respublikabız muzeylarınıñ xäzinälärennän tuplanğan eksponatlardan «İslam sänğate häykälläre» dip atalğan kürkäm kürgäzmä eşli başladı. Comğa könne islam dinenä bäyle tağın ber çara şul uq mädäniät märkäzendä açıldı. Tarix institutı biredä İdel-Ural töbägendä «İslam sänğate» digän seminar uzdırdı. Anda kürenekle belgeçlär qızıqlı çığışlar yasadılar. Mäsälän, professor Mäxmüt Nigmätcanov muzıka sänğatendä islam traditsiäläre turında söyläde. Şul uq temanı küptän üz itkän, anı centekläp öyrängän kompozitor Mäsğüdä Şämsetdinova «Rusiä möselmannarınıñ Mäwlid bäyräme» digän temanı yaqtırttı. Bu seminarnı oyıtıruçılarnıñ isemlegendä säyäsätçe Rafail Xakimov, ğalimä Güzäl Söläymanova häm başqalar bar ide. Comğa könne dönya kürgän tatar matbuğatı, «Tatar-İnform» agentlığı islam dönyası, anıñ mädäniäte, traditsiäläre turında baytaq materiallar urnaştırdı.
XS
SM
MD
LG