Accessibility links

шимбә, 3 декабрь 2016, Казан вакыты 20:44

Tatarstannıñ Tışqı elemtälär departamentı direktorı Timur Akulov Qabulda Äfğanstannıñ Tışqı eşlär ministrı Abdullo äfände belän oçraşqan


Tatarstannıñ Tışqı elemtälär departamentı direktorı Timur Akulov Qabulda Äfğanstannıñ Tışqı eşlär ministrı Abdullo äfände belän oçraşqan

Äfğan häm Çeçnya xalqına yärdäm qulı suzğan Tatarstan soñğı könnärdä mäğlümät çaralarnıñ iğtibar üzägendä tordı. Yaña yıl bäyrämnäre uzıp kitärgä ölgermäde, Tatarstannıñ Tışqı elemtälär departamentı direktorı Timur Akulov, ğadättän tış xällär ministrı Valeriy Vlasov gumanitar yök ozatıp Qabulğa bardılar. Tatarstannan töyäp cibärelgän 100 tonna şikär qomı Äfğanstanğa dönyanıñ törle poçmaqlarınnan kiterelgän gumanitar yärdämne bülü belän şöğellänüçe BMO wäkillärenä tapşırıldı.

Xäbär itkänçä, monnan tış Timur Akulov Qabulda Äfğanstannıñ Tışqı eşlär ministrı Abdullo äfände belän oçraşqan. Söyläşü barışında yaqlar ber-berse belän yaqınraq tanışu yözennän delegatsiälär belän alışu turında kileşkän. Tatarstan xökümäte suğış yaraların tizräk tözätü yözennän Äfğanstan cirenä maşinalar, texnika cihazları ğına cibärep qalmayaçaq. Cimerek toraq fondın torğızu, eş urınnarı buldıru häm belem birü programmaların bergäläp yasaw da küz aldında totıla.
XS
SM
MD
LG