Accessibility links

пәнҗешәмбе, 8 декабрь 2016, Казан вакыты 08:57

«Tınıçlıq yulı» humanitar aksiäse Qazanğa kilep citte


«Tınıçlıq yulı» humanitar aksiäse Qazanğa kilep citte

Comğa könne Menjinskiy isemendäge mädäniät sarayında tağın ber humanitar aksiä uzdırıldı. Anı äydäwçe häm oyıştıruçı Qaçaqlarğa yärdäm itü fondı ide. Fond citäkçese Yunıs äfände Kamaletdinov süzlärenä qarağanda, bu Yekaterinburg şähärennän başlanğan «Tınıçlıq yulı» digän çaranıñ Qazandağı däwamı ide. İçkeriädäge suğıştan zıyan kürgän, yätim qalğan balalarğa yärdäm itü yözennän cıyılğan gumanitar yök avtomaşinalarğa töyälep, Kavkazğa taba şähärdän şähärgä xäräkät itä. Qazannan alar Penzağa yul alaçaq. Menjinskiy isemendäge klubta miting-konsert oyıştırıldı, anda Qazan balaları da qatnaştı. Şunısın da iskärtep ütik: äle mädäniät sarayı eçke eşlär ministrlığı qaramağında. Yunıs äfände äytüençä, bez bu urınnı ğibrät öçen dä sayladıq, çönki İçkeriägä tärtip urnaştırırğa militsionerlar cibärüdän başqaça da yärdäm itü räweşlären kürsättek.
XS
SM
MD
LG