Accessibility links

якшәмбе, 4 декабрь 2016, Казан вакыты 15:14

Tatarstan Prezidentı qarşındağı Geral'dika Şurası turında färman çıqtı


Tatarstan Prezidentı qarşındağı Geral'dika Şurası turında färman çıqtı

Sişämbe könne matbuğatta Tatarstan Däwlät Şurası prezidiumı utırışında qabul itelgän qararlar, plenar sessiäneñ kön tärtibe, Federatsiä Şurasına wäkil namzäte turında xäbärlär basılıp çıqtı. Şular belän bergä Tatarstan Respublikası Prezidentı qarşındağı Geral'dika Şurası turında färman da çıqtı. Älege färman buença 16 keşedän torğan Şura tözelde. Anı Ministrlar Kabinetı qarşındağı Baş arxiv idaräse başlığı Damir Şäräfetdinov citäkli. İsemlektä mädäniät, tarix, sänğat ölkäsendä tanılğan ğalimnär Mirqasıym Ğosmanov, Güzäl Söläymanova-Wälieva, Abrek Abzgil'din isemnäre bar. Tatarstan Respublikası Prezidentı qarşındağı Geral'dika şurası turında nigezlämädä älege şura ekspert-konsul'tativ organ häm ul geral'dika dairäsendä berdäm däwlät säyäsäte alıp barunı tä'min itü maqsatında oyıştırıldı, dielä. Yağni, monnan soñ däwlät simvolı aqbarsnı här räsam üzençä, yä büregä, yä arslanğa, yä etkä oxşatıp, yä utırğan, yä yatqan räweştä yasap quya almayaçaq.
XS
SM
MD
LG