Pänceşämbedä, nihayät, Tatarstan Aqsaqallar Şurasında yaña räis saylandı. Bu yulı çal çäçle abzıylar, aqsaqallarğa xas sabırlıq häm ziräklek kürsätep, cibärgän xataları, wä yalğışları öçen ğafu ütengän Räfiğulla Xämidullinnı, munça kertmiçä genä, urınınnan azat ittelär. Häm şundıy uq aqıllılıq nigezendä fän doktorı, millätpärwär Äxmät äfände Ğalievne räis itep sayladılar. İdarä äğzaları bulıp xalqıbızğa yaxşı tanış keşelär saylandı: Waxit Xäkimov, Mäxmüt Äxmätcanov, Äxmät Galiev, Rämzi Noğmani, Mäxmüt Niğmätcanov, İldus Sadıykov, Färit Xäbibullin, Ğayal Mortazin häm Yevgeniy Busıgin.
Qazannan Damir Ğismetdin
Qazannan Damir Ğismetdin