Accessibility links

шимбә, 3 декабрь 2016, Казан вакыты 18:45

Tatarstan häm Başqortostan quşılırğa cıyınamı?


Tatarstan häm Başqortostan quşılırğa cıyınamı?

Mintimer Şäymievnıñ Mortaza Räximov belän oçraşuwın üzençä añlawçılar da bar. Mäsälän, «Variant» telekompaniäseneñ «Aksent» programmasın alıp baruçı Yuri Alaev bu oçraşunı Başqortstannıñ Xantı-Mansi okruğı belän kileşü tözep 5 million tonna neftne Ufa neft' eşkärtü zavodına cibärä başlaw belän bäyläde. Elegräk näq şuşı zavodta Tatarstan nefte eşkärtelü häm anıñ aksiäläre Tatarstan qaramağına küçü turında söyläşülär barğan ide. Yuri Alaev fikerençä, Mintimer Şäymiev, maxsus räweştä, Başqortostan citäkçese yanına barıp, neft' eşkärtügä bäyle mäsälälärne yañadan tikşergän bulırğa tieş.

Tikşersä dä, tikşermäsä dä — eş ütkän. Noyaber ayında Mortaza Räximovnıñ ulı, aldan kileşengän mäsälälärne bötenläy kön tärtibennän alıp ırğıtqan ide. Duslıq digän närsäneñ yaña mäğnäsen häm çın asılın tabarğa waqıt citkän bulırğa tieş. Çönki federal' üzäk respublikalarnıñ däräcäsen töşerü öçen zakonğa sıyğanın da, sıymağanın da eşläp tora. Tatarstan, Başqortostan xalıqları bergä bulğan oçraqta, alarnıñ urtaq mänfäğätlären yaqlarga ciñelräk bulır ide.

Qayber milli xäräkät wäkilläre, Şäymiev Räximov belän oçraşqan waqıtta Başqortostan tatarlarınıñ nujaların onıtmas mikän, keşe sanın alğanda niçä yöz meñ tatarnıñ başqort itep yazıluwına fatixa birmäsme ikän, dip şiklänä. Ämma, bu sorawğa cawapnı barı tik Mintimer Şäymievtan «Yanğan taw»da yal itep, Qazanğa urap qaytqannan soñ ğına üzennän işetä alırbız.
XS
SM
MD
LG