Accessibility links

җомга, 9 декабрь 2016, Казан вакыты 14:30

Tatarstan Däwlät Şurasınıñ Bötenrusiä xalıq sanın alu uñayınnan yasalğan möräcäğätlärgä reaksiä


Tatarstan Däwlät Şurasınıñ Bötenrusiä xalıq sanın alu uñayınnan yasalğan möräcäğätlärgä reaksiä

Tatarstan Däwlät Şurasınıñ Rusiädä xalıq sanın alu uñayınnan tatar xalqına häm Rusiä citäkçelegenä möräcäğätlärenä qarata Mäskäw säyäsätçeläreneñ dä reaksiäse mäğlüm buldı. Strana.ru İnternet säxifäsendä Rusiä fännär akademiäseneñ etnologiä häm antropologiä institutı direktorı Valeriy Tişkov Tatarstan parlamentı möräcäğätlären kommentariäläp, kiresençä, etnologlar etnografik törkemnärgä bik tiz tarqala baruçı tatar xalqın bergä tuplarğa tırışalar, dide. Anıñ fikerençä, «tatarlar» digän etnonimğa Qazan tatarları belän berläşterügä qarşı bulğan wäkillärne dä isäptä totıp, tatarlarnıñ barlıq geografik törkemnäre dä berläştereläçäk. Mişärlär, noğaybäklär, ästerxan, seber tatarları «tatarlar» digän bülekneñ bülekçeläre genä bulaçaq. Ä menä qırım tatarları häm keräşennär ayırım xalıq bulıp qalaçaqlar, di Valeriy Tişkov. Şulay itep, Rusiädä 2002 yılda xalıq sanın alğanda, tatarlar, kim digändä, 3 xalıqqa — tatarlar, qırım tatarları häm keräşennärgä bülenäçäk, bulıp çığa. Äle uzğan atna başında ğına Rusiäneñ millät eşläre ministrı Vladimir Zorin milli möxtäriätlär wäkilläre belän oçraşqanda, tatarlar bülenep kürsätelmäyäçäk, barı tik kiläçäktä analiz yasaw öçen tatar milläteneñ törkemnäre isäpkä alınaçaq, dip täqrärladı.

Xäer, Rusiädä başqa millätlärgä qarata säyäsät, härxäldä fänni yünäleş inde däresleklärgä kergän ikän. Rusiä Prezidentı qarşındağı Däwlät xezmäteneñ Rusiä akademiäse çığarğan «Основы национальных и федеративных отношений» digän uqu äsbabında 1989 yılğı xalıq sanın aluında küp kenä azsanlı xalıqlarnıñ isäpkä alınmawı turında sannar kiterelä. Şular arasında, mäsälän, Udmurt Respublikasında 10 meñ bisermännärneñ udmurtlar sanına, Çiläbe ölkäsendä 8 meñ noğaybäkneñ tatar sanına kertelüe turında yazılğan. Şuşı mäğlümatlardan soñ yaña Böternrusiä xalıq sanın alu näticäsendä Rusiäneñ azsanlı xalıqlar isemlege kiñäyteler, dip farazlıybız, dielä. Şulay itep, tatarlarnı bülgäläw inde uqu äsbaplarına kertelgän, xäl itelgän närsä, bulıp çığa.
XS
SM
MD
LG