Accessibility links

җомга, 9 декабрь 2016, Казан вакыты 01:04

Ministrlar Kabinetınıñ çirattağı sişämbe brifingı yaña xezmät Kodeksına bağışlandı


Ministrlar Kabinetınıñ çirattağı sişämbe brifingı yaña xezmät Kodeksına bağışlandı

Ministrlar Kabinetınıñ çirattağı sişämbe brifingı yaña xezmät Kodeksına bağışlandı. Anı Tatarstannıñ xezmät häm mäşgüllek ministrı Boris Zaxarov alıp bardı. Yaña xezmät Kodeksı 1 fevral'dän ğamälgä kertelä. Mäğlüm ki, beräwlär anı zamança demokratik ruxtağı qanunnar, dip bäyäli. İkençelär isä tağın da qırısraq, ğadi xezmät keşesen tağın da xoquqsızraq, xaqsızraq xäldä qaldıra torğan qanunnar, dip bäyäli. Tatarstannıñ xezmät ministrı yaña xezmät Kodeksın uñay bäyäli. Berençedän, ul elekkege Kodeksınıñ barlıq pozitiv momentların saqlap qalğan. İkençedän, anda tärräqqıy matdälär buldırılğan. Äytik, eş birüçeneñ xezmät xaqın 15 können dä arı totqarlıy almawı turında. Minimal' xezmät xaqınıñ yäşäw minimumınnan kim bula almaw taläbe. Mäcbüri xezmätne tıyu, 3 yäşkä qadär balalar tärbiäläwçelär öçen taşlamalar häm başqa şundıy uñay yaqlar. Läkin eş birüçe xoquqları da kiñäytelgän. Mäsälän, eş birüçe xezmätkärne hönärçelär berlege belän kileştermiçä dä, eştän qua ala. Älbättä, bu hönärçelär berlege pozitsiäsen sizelerlek yomşartaçaq, dip bäyäläde wäzğıätne Boris Zaxarov. Yaña xezmät Kodeksınıñ qayber yaxşı matdäläreneñ köymäse dä qomğa törtelergä mömkin ikän. Äytik, minimal' xezmät xaqınıñ yäşäw minimumınnan kim bulmawın tä'min itü öçen xökümätneñ citärlek mömkinlekläre yuq ikän. Şuña kürä Tatarstandağı tıñlawçılarıbız yaña Kodeks ğamälgä kertelgännän soñ 1 fevral'dän ük uq xezmät xaqları artır, dip ömetlänmäsen.
XS
SM
MD
LG