Accessibility links

җомга, 9 декабрь 2016, Казан вакыты 06:53

Rusiä Konstitutsiä mäxqämäseneñ Tatarstan qanunnarına qarata qabul itkän qararına reaksiä


Rusiä Konstitutsiä mäxqämäseneñ Tatarstan qanunnarına qarata qabul itkän qararına reaksiä

22 ğinwar könne Rusiä Konstitutsiä mäxqämäse Aznaqayda yäşäwçe Sälämov şiqäyäte buyınça mäxqämä qararı çığarğannan soñ Tatarstanda küplär farazlağança, xakimiätneñ astı öskä kilmäde. Mäğlüm ki, däğwaçı Tatarstan Konstitutsiäseneñ 70-nçe häm xalıq deputatların saylaw turındağı qanunnıñ 21-nçe matdälären bäxäsläde. Rusiä Konstitutsiä mäxqämäse Tatarstan Konstitutsiäseneñ Tatarstan grajdannarınıñ saylaw xoquqlarına qağılışlı qayber matdäläre häm saylawlar turında qanunnıñ nigezlämälären federal' zakonnarğa turı kilmi, alarnı boza, dip taptı. Älege qanunnarnı tözätü, täñgälläşterü öçen 6 ay waqıt birelde.

Tatarstan Däwlät Şurası räise Färit Möxämmätşin qarar çıqqan könne ük Rusiä mäğlümat çaralarına birgän intervyusında häm Qazanda 23 ğinwarda uzğan matbuğat oçraşuında Rusiä Konstitutsiä mäxkämäse qararı bilgelängän möddättä hiçşiksez ütäläçäk, dip belderde. Älegä süz parlamentnı tarqatu, yaña saylawlar turında barmıy. Däwlät Şurasınıñ ğamäldäge sostavı bilgelängän möddätenä xätle eşläyäçäk. Tik inde tege yäki bu säbäptän wazifaların buşatqan deputatlar urınına saylawlar ütkärelmäyäçäk. Xäzerge waqıtta Däwlät Şurasında şundıy 4 buş urın bar. Zakonnar, qararlar barı tik Däwlät Şurasınıñ tulı sostavında uzdırıla torğan plenar utırışlarında ğına qabul iteläçäk.

Älbättä, qayber säyäsi küzätüçelär mäqkämä qararınnan soñ näq altı ay uzğaç, konkret 21 iyülgä yaña saylawlar farazlıylar. Çönki Rusiä citäkçelege xakimiät vertikalen nığıtuda kiläse adımnarın da yasıyaçaq, äle bu qarar belän genä säyäsi tormış tınıçlanmas, digän fiker äytälär.
XS
SM
MD
LG