Çärşämbe könne Qazanda tatar cämäğätçelege başqa ber waqiğa tiräsendä şaw-gör kilde. İnde xäbär itkänebezçä, Tarix institutında Rusiä Fännär akademiäseneñ Valeri Tişkov citäklägän Etnologiä häm antropologiä institutı citäkçelegendä näşer itelgän «Tatarlar» digän kitapnı täqdim itü buldı. Tatar xalqı tarixına bağışlanğan fänni xezmät Tatarstanda 1967 yılda çıqqan bulğan. Läkin anıñ iseme dä, ciseme dä şul zamannardağıça, yaraqlaştırılğan, şomartılğan, kübräk TASSR tarixın çağıldırğan. Täqdim itü kiçäsenä cıyılğan ğalimnär, hiçşiksez, bu xezmättä tatar xalqı tarixı çınbarlıqqa turı kiterep, döres, kiñ itep häm çınnan da xalıq tarixı itep birelgän, dide. Kiçädä çığış yasawçı ğalimnär häm däwlät citäkçeläre yarım şayartıp, tışlığına zur xäreflär belän «Tatarı» dip yazıp quyğan bu qalın kitapnı qullarına alğaç, qayber xalıq wäkilläre, hiçşiksez, sağayıp qalırlar äle, didelär.
Kiçädä çığış yasawçılarnıñ barısı da diärlek kitapnıñ bik waqıtlı çığuın şärexläp ütte. Çönki, mäğlüm bulğança, Rusiädä xalıq sanın alu uñayınnan tatarlarnıñ etnik törkemnären millätlär belän butaw, ğomumän tatar xalqı tarixın añlamaw sizelde. Kiçäne yomğaqlaw süzendä Tarix institutı direktorı Rafail Xäkimov «Tatarlar» digän kitapnıñ Rusiä Prezidentı Vladimir Putinğa tapşıruı turında äytte. Kitapnı täqdim itü Mäskäwdä dä uzdırılaçaq. Anda Prezident Mintimer Şäymiev qatnaşırğa teli. Kitapnıñ töp konsepsiäse: tatar berdäm, ber millät. Anıñ seber tatarları, ästerxan tatarları kebek etnik törkemnäre genä bar. Rafail Xäkimov äytüençä, tatarlar belän başqortlar arasında da prinsipial' ayırmalıqlar yuq. Ul monı küptän öyränelgän, tikşerelgän fänni näticä, dip äytä. Tatar milläten bülgälärgä mataşu — bu säyäsi kon'yunktura, häm ul waqıt belän uzaçaq. Kem moña bireşä ikän, dimäk ul tarixnı naçar belä.
Kiçädä çığış yasawçılarnıñ barısı da diärlek kitapnıñ bik waqıtlı çığuın şärexläp ütte. Çönki, mäğlüm bulğança, Rusiädä xalıq sanın alu uñayınnan tatarlarnıñ etnik törkemnären millätlär belän butaw, ğomumän tatar xalqı tarixın añlamaw sizelde. Kiçäne yomğaqlaw süzendä Tarix institutı direktorı Rafail Xäkimov «Tatarlar» digän kitapnıñ Rusiä Prezidentı Vladimir Putinğa tapşıruı turında äytte. Kitapnı täqdim itü Mäskäwdä dä uzdırılaçaq. Anda Prezident Mintimer Şäymiev qatnaşırğa teli. Kitapnıñ töp konsepsiäse: tatar berdäm, ber millät. Anıñ seber tatarları, ästerxan tatarları kebek etnik törkemnäre genä bar. Rafail Xäkimov äytüençä, tatarlar belän başqortlar arasında da prinsipial' ayırmalıqlar yuq. Ul monı küptän öyränelgän, tikşerelgän fänni näticä, dip äytä. Tatar milläten bülgälärgä mataşu — bu säyäsi kon'yunktura, häm ul waqıt belän uzaçaq. Kem moña bireşä ikän, dimäk ul tarixnı naçar belä.