Accessibility links

сишәмбе, 6 декабрь 2016, Казан вакыты 17:07

Tarix institutı direktorı Rafail Xäkimov şuşı könnärdä dönya küräçäk başqa kitaplar turında söyläde


Tarix institutı direktorı Rafail Xäkimov şuşı könnärdä dönya küräçäk başqa kitaplar turında söyläde

Yomğaqlaw süzendä Rafail Xäkimov «Tatarlar» digän kitapnıñ inglizçägä tärcemäse äzerlänüe turında äytte. Tarix institutı tatar tarixına bağışlnğan 7 tomlıq fänni xezmät äzerli. Monda inde tatar tarixı III-nçe ğasırdan uq başlana. Bu şälkemneñ berençe tomı inde äzer ikän, tizdän Tarix institutında «Tatar kieme» digän häm «Rusiädä federalizm» digän kitaplarnı täqdim itü bulaçaq. Federalizm temasına bağışlanğan kitaplar inglizçägä dä tärcemä itelgän. Ä menä küptän tügel Fännär akademiäsenä äğza-möxbir itep saylanğan Vladimir İvanov «Tatarlar» digän kitapnı tuğan telebezdä, tatarça da näşer itärgä ide, digän fiker äytte.

«Tatarı» digän kitapnıñ prezentatsiäse milli oçpoçmak-pärämäçlär, çäy belän sıylanu belän tämamlandı. «Звезда Поволжья» gazetasınıñ pänceşämbe sanına qarağanda, eş monıñ belän ğına tämämlanmağan. Törkiäneñ Qazandağı general' konsulı Äxmät Riza Demirer älege kitapnıñ töp avtorlarınıñ berse Damir İsxaqovnıñ 50 yıllığı uñayınnan şul uq kiçne konsullıqta qabul itü mäclese oyıştırğan. Anda Damir İsxaqov, Rafail Xäkimov häm Rafail Möxämmätdinov xäläl cefetläre belän çaqırılğan bulğan.
XS
SM
MD
LG