Accessibility links

җомга, 9 декабрь 2016, Казан вакыты 01:13

Rusiä Konstitutsiä mäxkämäseneñ Tatarstan qanunnarına qarata qabul itkän qararı «uñış tragediäse» dip bäyälänä


İnde xäbär itkänebezçä, Rusiäneñ Konstitutsion mäxkämäse soñğı arada şaqtıy çetrekle xäldä qalğan Tatarstan parlamentına qotqaru bocrasın taşladı. Bu könnärdä teleekrannarda yış kürengän Däwlät Şurası räise Färit Möxämmätşin süzlärennän şul añlaşıldı: federal' xakimiät parlamentqa üz waqıtın eşläp beterergä röxsät birgän häm andıy qarar respubliкa citäkçelege tarafınnan qanäğätlänü belän qabul itelgän. Läkin qayber gazetalar, mäsälän, «Восточный экспресс» comğa sanında oşbu xälne «uñış tragediäse» dip atadı. Urmanğa kergän sayın utın kübräk digändäy, Konstitutsion mäxmäkämäseneñ qararın centekläberäk uqığan sayın, şatlanu xise äzäyä bara. Mäsälän, bez ğorurlanğan häm çıtırdap yabışqan şartnamä altı ay eçendä köçen yuğaltırğa mömkin. Ä ul Mäskäw belän Qazan mönäsäbätlären köyli torğan töp dokument ide. «Восточный экспресс» jurnalistı fikerençä, Mäskäw-Qazan, unitarizm-federalizm yünäleşendä qarşı toru mantıyğı äle saqlana. Häm dä Tatarstan Konstitutsisen Rusiäneke belän täñgälläştergäç, yaña saylawlar nigezendä respublika citäkçelegenä oppozitsion parlament belän eş itergä turı kiläçäk.
XS
SM
MD
LG