Accessibility links

җомга, 9 декабрь 2016, Казан вакыты 07:05

Federal' üzäk xalıq sanın aluda bernindi bülgäläw, xärämläşülär bulmayaçaq, dip tınıçlandıra


Federal' üzäk xalıq sanın aluda bernindi bülgäläw, xärämläşülär bulmayaçaq, dip tınıçlandıra

Pänceşembedä Mäskäwdä Däwlät Duması citäkçese Gennadiy Seleznev milli-mädäni avtonomiälär citäkçeläre belän oçraştı. Anda Rusiä Federatsiäse ministrı Vladimir Zorin häm başqalar qatnaştı. Rusiä tatarları avtonomiäse räise İndus Tahirov xalıq sanın alğanda tatar milläten törkemnärgä bülgäläw häm milli säyäsät turında belderü yasağan.

Federal' üzäk wäkilläre, ğadättägeçä, xalıqnı isäpkä alğanda bernindi bülgäläw, xärämläşülär bulmayaçaq dip tınıçlandırdılar. Läkin xalıq sanın isäpkä alu isemlegendä tatarlar digän atama yanında mişärlär häm äçterxan tatarları ğına bar. Ä keräşennär älifba tärtibe buyınça «k» xärefe — qalmıq häm qıtaylardan soñ ayırım kertelgän, ä noğaybäklär isä nemeslär, nanaylar häm başqalar yanında.

Qısqası, ber yaqtan yuatalar, ä ikençe yaqtan üzläreneñ niätlären ğamälgä aşıralar. İndus Tahirov fikerençä, Federal' üzäk wäkilläre millätlär yazmışı belän ällä ni qızıqsınmıy, bitaraflıq kürsätä. Alar öçen millätlär probleması çuan kebek üzlegennän çişelsä iñ qulayı — şul bulır ide.
XS
SM
MD
LG