Accessibility links

дүшәмбе, 5 декабрь 2016, Казан вакыты 23:40

Qazannıñ «Hadi Taqtaş» cinäyätçel törkemen oyıştıruçılar xökem itelde


Qazannıñ «Hadi Taqtaş» cinäyätçel törkemen oyıştıruçılar xökem itelde

Pänceşembedä Qazan cinäyätçeläre zur yuğaltu kiçerdelär. Tanılğan şağirebez Hadi Taqtaş isemen üzläştergän, läkin aña bernindi bäyläneşe bulmağan cinäyätçel törkemne oyıştıruçılar, nihayät, xökem itlelde. Tatarstan Yuğarı mäxkämäse 13 keşegä 6 yıldan alıp ğomerlekkä irektän mäxrüm itü qararı çığardı. Banditlar zur aqçalar tuplap, inde berniçä yıl däwerendä Qazanda çın-çınlap kriminal' suğışlar alıp barğannar. Oşbu törkemne qulğa alıp, anıñ eşen mäxkämägä citkerü respublika xoquq saqlaw oyışmaları öçen zur waqığa buldı. Çönki zur cinayätlärne açu buyınça älegä xätle mondıy eşneñ sudqa barıp citkäne yuq ide. Mäxkämä barışında moña qadär kürenmägän häwefsezlek çaraları qullanıldı. Protsessnı oyıştıru, şahitlarnı saqlaw yaña ısullar, ämällär tabunı taläp itte. Qıñğır eş maxirları häm alarnıñ tarafdarları da yoqlap yatmadı — alar dönya aqçası tügep, iñ köçle advokatlarnı yallap, cawap totu säğäten niçek tä bulsa, kiçekterergä tırıştılar. Läkin ğadellek ciñde. Şulay da, qayber belgeçlär äle alqışlarğa irtäräk, dilär. Çönki advokatlar Rusiäneñ Yuğarı mäxkämäsenä ğozer yullayaçaqlar. Ä inde Mäskäw Tatarstannıñ Yuğarı mäxkämäseneñ qararın köçendä qaldırırmı — monısın barı tik waqıt kürsäter.
XS
SM
MD
LG