Accessibility links

Кайнар хәбәр

Qazanda — Latviä delegatsiäse


Qazanda — Latviä delegatsiäse

24 ğinwarda başqalabız Qazanğa Latviädän qunaqlar kilde. Alar arasında diplomatlardan ğäyre Latviädän tanılğan arxitektorlar da bar ide. İke könlek oçraşunı respublikabıznıñ tözeleş ministrlığı häm arxitektorlar berlege oyıştırdı. Latışlar uzğan yılda Riganıñ 800 yıllığın bilgeläp ütkännär. Älbättä, bu çaranı oyıştıru häm uzdıruda zur täcribä tuplağannar. Qazannıñ 1000 yıllığı aldınnan mondıy oçraşular beznekelär öçen ifrat ta faydalı bulırğa mömkin.

Tözü – tözätü, arxitektura turında söyläşülär barğan däwerdä delegatsiä belän bergä Qazanğa kilgän Latviädäge Tatar-başqort cämğiäte prezidentı Zöfär Zäynullin anda yäşäwçe millättäşlärebez turında qızıqlı mäğlümätlär citkerde. Zamanında ätise Zäki Zäynullin nigez salıp qaldırğan tatar cämğiäte bıltır Tatar-başqort oyışması bulıp terkälgän. Ul 200-lђp keşene berläşterä ikän. Cämğiätneñ plannarı zurdan: ike ilneñ säwdä ministrlıqları yärdäme belän «Tatarstan» säwdä yortın açu, tatar yäkşämbe mäktäben zurraq binağa küçerü. Latviä radiosınnan ayğa ber, yäisä ike ayğa ber tatar telendä yartı säğätlek tapşıru alıp barıla.

Damir Ğismetdin
XS
SM
MD
LG