Accessibility links

шимбә, 10 декабрь 2016, Казан вакыты 21:47

Tatarstan konstitutsiäse haman kük belän cir arasında


Tatarstan konstitutsiäse haman kük belän cir arasında

Düşämbe könneñ ikençe yartısına qädär prezident yäki anıñ ğämälläre, belderüläre turında bernindi mäğlümät tä bulmadı. Anıñ qarawı, Däwlät Sovetınıñ kiläçäge, Rusiä konstitutsion mäxqämäseneñ yaña çıqqan qararı härwaqıt tel oçında. Säyäsi oyışmalar Däwlät Sovetı räise Färit Möxämmätşinnıñ belderüen añlarğa tırışalar. Däwlät Sovetına deputatlar saylaw tärtibe Rusiä qanunnarına täñgäl tügel ikän. Şulay da, Däwlät Sovetı üzeneñ tulı srogın tutırğançı älege sostavta eşli ala. Läkin anıñ eşläwenä, administratsiä başlıqlarınıñ deputat bularaq zakon çığarıp utırularına ışanuçılar bik az. Putin belän Tatarstan citäkçelege arasında säyäsi kileşü nigezendä qabul itelgän konstitutsion mäxqämä qararı, taş divar tügel. Anıñ kiräkmägän yaqqa awıp töşüe dä mömkin. Şuña kürä tizräk qanunnarnı, konstitutsiäne tözätü häm Däwlät Sovetın yañaça qoru döresräk bulır, dip sanıy Midxät Faruqşin häm başqa bäysez analitiklar. Tatarstannıñ konstitutsiäsenä kertelä torğan üzgäreşlär, döresräge, töp qanunnıñ yaña redaksiäse qayber citäkçelärneñ östälendä yata. Ämmä, anıñ eçtälege däwlät sere däräcäsendä. Däwläte bulmasa da, tirän yäşerelgän sere bula ikän. Xäer, 29 ğinwarda kontsitutsion kiñäşmä cıyılırğa tieş. Däwlät Sovetı xäzer inde zakonnarnı barı tik plenar cıyılışta ğına qabul itä. Qısqası, säyäsi häm xoquqıy wäzğıät bik qatlawlı. Bu şartlarda milli cämäğätçelek, Tatarstan möstäqillege yaqlılar ni uylıy torğandır — xäbärlär azraq. Bötentatar ictimağıy üzägeneñ çirattağı qorıltae 13-14 aprilgä bilgelängän.
XS
SM
MD
LG