Accessibility links

якшәмбе, 4 декабрь 2016, Казан вакыты 09:05

Tatarstan Diniä nazaräte räise möfti Ğosman xäzrät İsxaqıy soñğı 4 yılda möselmannar tormışında bulğan üzgäreşlärne uñay bäyäläde


Tatarstan Diniä nazaräte räise möfti Ğosman xäzrät İsxaqıy soñğı 4 yılda möselmannar tormışında bulğan üzgäreşlärne uñay bäyäläde

Tatarstan möselmannarınıñ çirattağı Qorıltayınıñ da köne mäğlüm. Ul 2 fevraldä uzdırıla. Şuşı könnärdä qorıltay uzdıru uñayınnan möfti Ğosman xäzrät İsxaqıy mäğlümat çaralarına intervyu birde. Ul 1998 yıldağı qorıltaydan soñ uzğan 4 yılnı Tatarstan möselmannarı tormışındağı üzgäreşlärne tulayım uñay bäyäläde. Anıñ süzlärençä, xäzerge waqıtta tatarlarnıñ 80% üzlären möselman dip sanıy. Tatarstanda 1 meñgä yaqın mäçet eşli, distälägän mädräsälär açılğan. Ğosman İsxaqıy, mäçetkä yörüçe xalıq sanı az bulsa da, älege mäçetlär möhim ruxi mäğrifät missiäsen başqara, dip bilgeläp ütte. Soñğı yıllarnıñ iñ möhim qazanışları arasında möfti xäzrätläre 1998 yılda Qazanda Rusiä İslam universitetı açıluın häm 1999 yılda din irege häm dini oyışmalar turıda qanun qabul itüne atadı. İñ yaqın maqsatlar itep, Ğosman İsxaqıy «İslam Tatarstanda» digän yaña konsepsiä buldırunı häm anı qabul itkännän soñ Tatarstan Diniä nazaräteneñ Ustavın yañadan qarawnı atadı.

Qazannan «Azatlıq» radiosı öçen Yunıs Ätnäle
XS
SM
MD
LG