Accessibility links

пәнҗешәмбе, 8 декабрь 2016, Казан вакыты 12:51

Qazanda Gäbdraxman Äbsälämovqa bağışlanğan kürgäzmä häm Qayum Nasıri istälegenä muzey açılaçaq


Qazanda Gäbdraxman Äbsälämovqa bağışlanğan kürgäzmä häm Qayum Nasıri istälegenä muzey açılaçaq

Pänceşämbe könne Qazanda Şärif Qamal muzeyında kürenekle yazuçı Gäbdraxman Äbsälämovqa bağışlanğan kürgäzmä açılaçaq. Ul yazuçınıñ küplär yaratqan äsäre kebek «Sünmäs utlar» dip isemlängän. Kürgäzmädä Gäbdraxman Äbsälämovnıñ küp kenä şäxsi äyberläre, fotografiäläre, xatları urın alğan. Häm, älbättä inde, yazuçınıñ kitapları. Muzey açılğan könne üq, yäğni 31 ğinwarda, küptän tügel genä «Mäğärif» näşriätendä basılıp çıqqan «Ul bezgä aq çäçäklär büläk itte» isemle kitapnı täqdir itü dä küzdä totıla. Bu kitapta yazuçı turında Sibğät Xäkimneñ, Ğarif Axunovnıñ häm başqa keşelärneñ istälekläre urın alğan. Şunı dä äytergä kiräk, Gäbdraxman Äbsälämovnıñ onığı — Albina Äbsälämova şiğırlär icat itä ikän. Kürgäzmägä kilüçelär anıñ äsärläre belän dä tanışa alaçaq.

Ä comğa, 1 fevral könne, Qazanda tağın ber kürenekle, tanılğan millättäşebez — fälsäfäçe, pedagog, yazuçı Qayum Nasırinıñ muzeyı açılaçaq. Muzey Qayum Nasırinıñ soñğı yılları ütkän, şähärneñ Parij kommunası uramında urnaşqan binada bulaçaq. 1970-nçe yıllar axırında yanğan bu yort 1990-nçı yıllarda yañadan tözelep, tözekländerelgän. Anda şulay uq yazuçınıñ şäxsi äyberläre, aña qağılışlı dokumentlar urnaştırılğan.
XS
SM
MD
LG