Accessibility links

җомга, 9 декабрь 2016, Казан вакыты 12:50

Tarix institutında «Amerikada häm Rusiädä federalizmnıñ säyäsi-xoquqıy nigezläre» digän fänni-gämäli konfernetsiä ütte


Tarix institutında «Amerikada häm Rusiädä federalizmnıñ säyäsi-xoquqıy nigezläre» digän fänni-gämäli konfernetsiä ütte

Tarix institutında inde ikençe kön «Amerikada häm Rusiädä federalizmnıñ säyäsi-xoquqıy nigezläre» digän säyäsi-gämäli konferensiä bara. Konferensiädä Amerika, Rusiä, Tatarstan ğalimnäre, Tatarstan Däwlät Şurasınıñ daimi komissiälär räisläre, yurislar, xoquq belgeçläre qatnaşa. Konferensiäne alıp baruçı Tarix institutı direktorı Rafail Xäkimov pänceşämbe könne konferensiä barışında “Azatlıqqa” qısqa ğına äñgämä birde:

«Bez öyränäbez bütän illärneñ täcribäsen. Uzğan yıl Şveytsariä federalizmın öyrändek, bügenge köndä Quşma Ştatlar belän çağıştıru bara: alarnıñ täcribäse kileşäme Rusiägä, qaysı yaqtan kileşä, qaysı yaqtan kileşmi. Xäzer Rusiädä küp kenä säyäsätçelär bolay di: Rusiä unikal', ul üz yulı belän barırğa tieş. Qayberäwlär äytä, federatsiä dä kileşmi, dip. Ul elek-elektän imperiä bulğan, imperiä bulıp qalırğa tieş, dilär. Läkin yomışağraq, yañaça, maturıraq, sıyfatlı imperiä kiräk, dilär. Şuña kürä bezneñ çorda federatsiäne törle illärdä öyränep, yaxşı yaqların kürsätep häm konkret mäsälälärne tikşerep, Rusiägä täqdim itü bik möhim.

Bügen Mäskäw tarafınnan nindider basım bara. Läkin ul uzar, dip uylım häm bez äzer bulırğa tieş başqa situatsiägä. Bezneñ täqdimnärebez kiräk bulır bügen dä, kiläçäktä dä.»


Tatarstan xäbärlären «Azatlıq» radiosına ireşterüçe Yunıs Ätnäle
XS
SM
MD
LG