Accessibility links

дүшәмбе, 5 декабрь 2016, Казан вакыты 15:37

Qazanda Ayıqlar cämğıäte «uyandı»


Qazanda Ayıqlar cämğıäte «uyandı»

Qazanda Bötenrusiäneñ ayıqlılar cämğıäte qorıltayı uzdı. Älege xäbärne gäzitlär taratmasa, bu Gorbaçev zamanında barlıqqa kilgän cämğıätneñ isänlegenä ışanmas ta idek. Bar ikän äle andıy xäräkät wä ayıq keşelär. Häm alarnı Baburin äfände citäkli. Oşbu qorıltay turında iskä aluıbız tikmägä tügel. Bötenläy iren çılatmaw variantı bezgä batıp betmi. Ällä şuña bu atnada xökümät keşeläre nindi araqı eçü turında baş wattılar. Alay ğına da tügel, Ministrlar Kabinetı respublikanı tuğız şartlı zonağa bülep, alarnıñ här bersenä cawaplı citäkçelär bilgeläde. Bu eşneñ başında xökümätneñ apparat citäkçese İldar Fättaxov tora. Cawaplı äfändelär üzläreneñ zonalarında araqı eçügä qarşı köräş alıp barırğa cıyınmıylar. Kiresençä, alar xalıqnı döres araqı eçärgä ügetläyäçäklär. Yäğni, kibetkä barğaç ta, tatarstanlılar üzebezdä yasalğan xämerne saylarğa tieş. Mondıy ğamäl bezneñ faydağa ikän: üzebezneñ araqını kübräk eçsäk, üzebezgä faydası kübräk qalaçaq. Yäğni, büdjetqa östämä aqça keräçäk. Menä bit nindi neçkälekläre bar bu araqı eçüneñ.
XS
SM
MD
LG