Accessibility links

якшәмбе, 4 декабрь 2016, Казан вакыты 15:23

…Tatarstan diniä nazaräte möftie itep qabat Ğosman xäzrät İsxaqi saylandı


…Tatarstan diniä nazaräte möftie itep qabat Ğosman xäzrät İsxaqi saylandı

Rawil xäzrät Ğaynetdinnıñ şuşı interviusına qadär qorıltaynıñ töp mäsäläse, möfti saylawları uzdı. Açıq tawış birü ısulı belän bertawıştan Tatarstan diniä nazaräteneñ möftie itep Ğosman xäzrät İsxaqi saylandı. Al'ternativ kandidatlar Qazan mäçetläre imamnarı Kamil xäzrät Bikçantaev häm Xaris xäzrät Salixcan tawış birü aldınnan totqan 10 minutlıq süzlärendä tänqit süzläre äyttelär häm ikese dä namuslı saylawlar ütkärüne, yäğni yäşeren tawış birü ütkärüne soradı. Şuña kürä saylawlar ütkännän soñ Xaris xäzrät Salixcan saylawlar ğadel uzdımı digän sorawğa bolay dip cawap birde: Saylawlar ğadel uzmadı. Çönki tawış birü açıq räweştä ütkärelde, yağni härkemneñ niçek tawış birüe kürenep tordı. Qorıltay delegatları, imamnar, Xaris xäzrät äytüençä, bäyle keşelär. Şuña kürä alar açıqtan-açıq möftilekkä töp kandidat aldında qarşı toruların kürsätergä bazmıylar.

Kamil xäzrät Bikçantaev möfti xäzrätlären möselmannar belän kiñäşmiçä, Rim Papasın qunaqqa çaqıruı, ä annarı soñ, nik alay eşlädegez, dip sorağaç, östän şulay quşalar, dip cawap birüwe öçen tänqitläde. Xaris xäzrät üzeneñ çığışında möfti xäzrätläreneñ idarä itü çorınıñ 4 yılınıñ 2 yılı säyäxättä ütte, dide. Diniä nazaräteneñ mäğärif sistemasın sxolastikada ğäyepläde. Üzen baştan uq Tatarstan diniä nazarätennän çitkä quyıp, Ufadağı üzäk diniä nazarätenä buysınuçı Färit xäzrät Sälman qorıltay uzğannan soñ mäğlümat çaralarına birgän interviularında saylawlarnı tamaşa dip atadı.

Qorıltay şulay uq, Rusiä Däwlät Dumasına, Tatarstan mäğärif ministrlığına möräcäğätlär häm Rusiäneñ yaña pasportların kertkändä, möselmannarnıñ xoquqları bozıluı turında qarar qabul itte. Tatarstan möselmannarınıñ ikençe qorıltayı näticäläre turında täfsileräk itep aldağı xäbärlärä.

«Azatlıq» radiosı öçen Qazannan Yunıs Ätnäle
XS
SM
MD
LG