Accessibility links

якшәмбе, 4 декабрь 2016, Казан вакыты 23:32

Tatarstanda tüläwsez meditsina yärdäme turında programma qabul itelde


Tatarstanda tüläwsez meditsina yärdäme turında programma qabul itelde

Ministrlar Kabinetınıñ sişämbe brifingı bu yulı sälämätlek saqlaw temasına bağışlandı. 21 ğinwar könne Ministrlar Kabinetınıñ «Rusiä Federatsiäse grajdannarına tüläwsez meditsina yärdämen garantiäle tä'min itü däwlät programmasına östämä taşlamalar» digän qararı çıqqan. Brifingta qatnaşuçılar sälämätlek saqlaw ministrı Kamil Zıyätdinov, finans ministrı urınbasarı Robert Miñneğaliyev, xastaxanä kassası başqaruçı direktorı Nail Gobaev, «Tattexmedfarm» general' direktorı Yakov Margulis şuşı qararnıñ eçtälegen añlattılar. Tatarstanda 1 million 300 meñ keşe meditsina yärdämendä taşlamalar belän faydalana. Alar arasında törle kategoriä grajdannar bar, älbättä, kübesençä pensionerlar, invalidlar, balalar. Alarğa darularğa taşlamalarğa uzğan yıl respublika büdjetınnan 256 million sum totılsa, bıyıl 331 million sum bülep bireläçäk. Taşlamalı yä tüläwsez darular isemlege 228-dän 400-ğä kiñäytelä. Şunısı da mäğlüm, uzğan yıl yış qına aptekalarda l'gotalı darular birü tuqtatılıp tordı. Küp kenä pensionerlar daruxanä busağaların taptadılar, zarlandılar. Brifingta monıñ säbäplären taşlamağa tieşle aqçalarnı rayon häm şähär adaministratsiäläre bülep birergä tieş bulıp, şunda totqarlıqlar çığuwı belän añlattılar.

Yaña qarar buyınça tüläwsez garantiäle meditsina yärdämenä bülep birelä torğan aqçalar barısı da xastaxanälä kassasına tapşırıla, diyelde. Xastaxanä kassası meditsina oyışmalarına kürsätelgän meditsina xezmäteneñ külämenä häm sıyfatına qarap, şuşı aqçalarnı bülep birep toraçaq. Meditsina yärdämeneñ sıyfatın tikşerü öçen xastaxanä kassasında 300 ekspert bula. Tatarstanda yäşäwçe tıñlawçılarıbıznı mondıy ğına añlatu, älbättä, känäğätländermäs. Ministrlar Kabinetınıñ älege qararı häm garantiäle tüläwsez meditsina yärdämenä xaqlı grajdannar kategoriälär isemlege, taşlamalar belän birelä torğan darular isemlege tizdän «Республика Татарстан» häm «Watanım Tatarstan» gazetalarında basılıp çığaçaq.
XS
SM
MD
LG