Accessibility links

шимбә, 10 декабрь 2016, Казан вакыты 17:35

Sälämätlek saqlaw ministrı Kamil Zıyätdinov: “Tatarstanda cärähätlär, ağulanu, narkomaniädän ülüçelär sanı ikençe urınğa çıqtı.”


Jurnalistlar sorawlarına cawap birgändä, älege qararnıñ närsäse belän elekkesennän yaxşı buluın tikşergändä, ğomumän, xäzerge zamanda sälämätlek saqlaw sisteması nindi bulırğa tiyeş, digän sorawlar tudı. Sälämätlek saqlaw ministrı Kamil Zıyätdinov xäzerge zamanda bernärsä dä tüläwsez bula almıy, meditsina xezmäte dä här kürsätelgän xezmät kebek tülänergä tieş, dide. Läkin sovet çorındağı sistema buyınça koyka-könnär planın ütäp kenä bu eşne alıp barıp bulmıy, meditsina xezmäteneñ küläme häm sıyfatı öçen tülänergä tieş. Şuña kürä keşelärneñ keremnärenä qaraymıça, barı tik sotsial' qatlamına qarap qına, garantiäle tüläwsez meditsina xezmäte kürsätü sälämätlek saqlaw sisteması citäkçelegen känäğätländermi.

Sälämätlek saqlaw sistemasınıñ torışı, qamillege, hiçşiksez, keşe ğomere ozınlığına tä'sir itä. Soñğı yılda Tatarstanda demografik wäzğıät qay yaqqa üzgärde soñ? Brifingtan soñ sälämätlek saqlaw ministrı Kamil Zıyätdinov «Azatlıq» radiosına birgän interv'yusında bolay dide:

«Soñğı yıllarda Tatarstanda ülüçelär sanı artu tuqtadı, ä bala tuu sanı arttı. Şulay uq şatlıqlı kürsätkeç - yäş balalar ülü sanı bik kimede. Tatarstan xalqı kürşe respublikalarga qaraganda 2.5 yılğa ozağraq yäşi. Ul xökümät yağınnan yaxşı qaraw häm meditsina ölkäsendä üzgäreşlär belän bäyle. Şunısı qızğanıç, cärähätlärdän, ağulanulardan, narkomaniädän ülüçelär sanı soñğı waqıtta 2 nçe urınğa çıqtı. Ul bezneñ xökümätebezneñ, xalqıbıznıñ ber bäläse. Elek alar 3-4 urında ide, yöräk awıruları häm yaman şeş awırulardan soñ. Anı meditsina, daru belän genä qotqarıp bulmıy. Keşeneñ yaxşı sıyfatlı tormış alıp baru modaga kersen ide.»

«Azatlıq» radiosı öçen Qazannan Yunıs Ätnäle
XS
SM
MD
LG