Sişämbe, 5 fevral' könne, Buada soñğı könnärdäge faciğale waqiğalar waqıtında häläk bulğan militsiä xezmätkärläre İlnur Xäyrullin häm Räşit Şäräfetdinov belän xuşlaştılar. Çärşämbe könne, şul uq Bua rayonında qaçqınnarnı totqan waqıtta qorban bulğan tağın 3 keşene — Ğamil Zähretdinov, Şamil Abdraxmanov häm Azat Şäydulinnı soñğı yulğa ozattılar. Buadağı şuşı qayğılı çarada respublika premier-ministrı urınbasarı Zilä Wälieva da qatnaştı.
Prezident Miñtimer Şäymiev ayıruça qurqınıç cinäyätçelärne ezärlekläw waqıtında faciğale töstä wafat bulğan Tatarstan grajdannarı häm respublika Eçke eşlär ministrlığı xezmätkärläreneñ tuğannarı häm yaqınnarınıñ tirän qayğısın urtaqlaştı. Tatarstan prezidentı respublika xökümätenä häm Bua rayonı xaqimiätenä kümüne oyıştırunı häm häläk bulğannarnıñ ğailälärenä matdi yärdäm kürsätune yökläde.
Cinäyätçelär tarafınnan wäxşilärçä üterelgän 1965 yılda tuğan Ğamil Zähretdinovnıñ 3 balası yätim bulıp qaldı. Ä militsiä xezmätkäre Şamil Abdraxmanovqa 30, Azat Şäydullinğa 21 yäş kenä ide. Xuşlaşunı oyıştırırlar, yärdämne kürsäteler, anısı. Läkin alarnıñ tuğannarına, yaqınnarına moñardan ällä ni ciñeläymäs şul. Bu qotoçqıç cinäyät küpsanlı sorawlar tudırdı. Şul turıda bügen jurnalist Räqip Gaffarov söyläde:
Bu cinäyät küpsanlı sorawlar tudırdı. Nigä Çeçnyädan bulğan suğışçılar kire xärbi xezmätkä qaytarıla? Niçek itep cinäyättä ğäyeplängän keşe xärbi xezmätkä barğan häm äle anda da armiäneñ iñ danlıqlı, iñ aldınğı ğäskärlärenä eläkkän? Xärbi komissariätlär närsä qarağannar? Militsiä citäkcelärenä dä sorawlar bar. Berençe ütereşlärdän soñ uq, cinäyätcelärneñ nindi qansız ikännären belgäç, nik alar xezmätkärlären saqlaw öçen östämä çaralar kürmägän?
Äye, sorawlar bik küp. Läkin alarğa cawaplar birelerme soñ? Härxäldä, şuşı qotoçqıç cinäyättän soñ näticälär yasalıp, andıy qanlı waqiğälär bütän qabatlanmas digän ömettä qalası kilä.
Prezident Miñtimer Şäymiev ayıruça qurqınıç cinäyätçelärne ezärlekläw waqıtında faciğale töstä wafat bulğan Tatarstan grajdannarı häm respublika Eçke eşlär ministrlığı xezmätkärläreneñ tuğannarı häm yaqınnarınıñ tirän qayğısın urtaqlaştı. Tatarstan prezidentı respublika xökümätenä häm Bua rayonı xaqimiätenä kümüne oyıştırunı häm häläk bulğannarnıñ ğailälärenä matdi yärdäm kürsätune yökläde.
Cinäyätçelär tarafınnan wäxşilärçä üterelgän 1965 yılda tuğan Ğamil Zähretdinovnıñ 3 balası yätim bulıp qaldı. Ä militsiä xezmätkäre Şamil Abdraxmanovqa 30, Azat Şäydullinğa 21 yäş kenä ide. Xuşlaşunı oyıştırırlar, yärdämne kürsäteler, anısı. Läkin alarnıñ tuğannarına, yaqınnarına moñardan ällä ni ciñeläymäs şul. Bu qotoçqıç cinäyät küpsanlı sorawlar tudırdı. Şul turıda bügen jurnalist Räqip Gaffarov söyläde:
Bu cinäyät küpsanlı sorawlar tudırdı. Nigä Çeçnyädan bulğan suğışçılar kire xärbi xezmätkä qaytarıla? Niçek itep cinäyättä ğäyeplängän keşe xärbi xezmätkä barğan häm äle anda da armiäneñ iñ danlıqlı, iñ aldınğı ğäskärlärenä eläkkän? Xärbi komissariätlär närsä qarağannar? Militsiä citäkcelärenä dä sorawlar bar. Berençe ütereşlärdän soñ uq, cinäyätcelärneñ nindi qansız ikännären belgäç, nik alar xezmätkärlären saqlaw öçen östämä çaralar kürmägän?
Äye, sorawlar bik küp. Läkin alarğa cawaplar birelerme soñ? Härxäldä, şuşı qotoçqıç cinäyättän soñ näticälär yasalıp, andıy qanlı waqiğälär bütän qabatlanmas digän ömettä qalası kilä.