Accessibility links

җомга, 9 декабрь 2016, Казан вакыты 01:06

Elemtä ministrlığı büdjet aqçasın närsälärgä totqan?


Elemtä ministrlığı büdjet aqçasın närsälärgä totqan?

Şuşı könnärdä genä Elemtä ministrlığınıñ büdjet aqçaların totuğa bäyle ğämälläre parlament kontrole häm prezidentnıñ kontrol' idaräseneñ urtaq utırışında qaraldı. Anda ministrlıq qarşında tözelgän «Radioteleset», «Tattelekom» berläşmälärendä aqçanı muldan totuları qaralğan. Qimmätle çit il maşinaların alu, çit illärgä uqırğa yäki säyäxätkä barular turında assızıqlap äytelgän bu utırışta. Berençe qaraşqa, xosusıy şirqät'lär öçen bu ğämällär tabiğıy bulıp kürensä dä, alarnıñ büdjet aqçalarına ministrlıq zakazı buyınça zur proektlarnı ğämälgä quyıp, yäğni qıya räweştä bulsa da, büdjet yärdämendä çäçäk atuların onıtmasqa kiräk.

Soñğı waqıtta, Tatarstannıñ matbuğat ministrlığı beterelgäç, gazeta-jurnallar şul uq elemtä ministrlığı aşa aqça ala başlaqılar, yäğni jurnalistlar belän elemtäçelär citäkçelek itä. Möstäqillekkä künekkän gazeta möxärrirläre bu wäzğıätkä kisken qarşı çığa. Şuña kürä, forsat tuğanda mäğlümät taratu eşenä zur iğtibar birep, «Respublika Tatarstan», «Watanım Tatarstan» gäcitläre elemtä ministrlığı tarafınnan büdjet aqçaların totu kontrol' komissiäläre utırışında tikşerelüwe turında tozlap-borıçlap reportajlar bastırdı. Kem xaqlı, kem xaqsız, ğäeple yäki ğäyepsez ikänlegen älegä açıq itep äytep bulmıy. Ämmä, bu tikşerü häm anıñ turında mäğlümät taratular elemtä citäkçeläreneñ käyefen qırğan bulsa kiräk. Härxäldä, bu könnärdä elemtä ministrı Rinat Cälälov, anıñ qayber urınbasarları, şulay uq «Radioteleset», «Tattelekom» citäkçeläre qan basımı kütärelü häm yöräk çänçü säbäple xastäxanädä däwalanalar, digän ğayre räsmi mäğlümätlär bar. Alarnıñ eş urınnarına şaltıratıp, xäl belergä teläwçelär elemtä citäkçelären eş bülmälärendä tota almağannar.
XS
SM
MD
LG