Accessibility links

Кайнар хәбәр

Tatarstan möftie başqa din wäkilläre belän oçraştı


Tatarstan möftie başqa din wäkilläre belän oçraştı

İnde xäbär itkänebezçä Tatarstanda möfti saylawları ütte. Yaña möfti bulıp yänä Ğosman xäzrät İsxaqi saylandı. Sişämbe könne Tatarstan möselmannarınıñ Diniä nazarätendä Qazan häm Tatarstan patriarxı Anastasiy, yähüd dine wäkile Dawid Tokar, respublika katoliklarınıñ wäkile Toma häm yevangelist-luteran çirkäweneñ başlığı urınbasarı Viktor Dits cıyıldılar. Alar Ğosman İsxaqinı tağın ber tapqır möfti itep saylanu belän qotladılar häm üzläreneñ büläklären tapşırdılar. Oçraşu waqıtında şulay uq Tatarstanda törle din wäkilläreneñ tatu yäşäwläre, törle ölkädä xezmättäşlek itüläre turında da äytelde. Häm şuşı dustanä xezmättäşlek däwam itügä ömet belderelde. Çärşämbe, 6 fevral' könne, möfti Ğosman xäzrät İsxaqi Avstriägä kitte. Bu säfärneñ maqsatları turında älegä bernindi dä mäğlümat yuk.
XS
SM
MD
LG