Accessibility links

дүшәмбе, 5 декабрь 2016, Казан вакыты 23:44

Bötentatar İctimaği Üzäge, Aqsaqallar Şurası Rusiädä xalıq sanın alu xaqında


Bötentatar İctimaği Üzäge, Aqsaqallar Şurası Rusiädä xalıq sanın alu xaqında

Bötentatar ictimaği üzäge aprel urtasına bilgelängän 7-nçe Qorıltayına äzerlek eşläre başlap cibärde. Şuşı könnärdä ictimaği üzäk prezidiumı 9 fevralda, şimbä könne Qorıltayğa häm xalıq sanın aluğa äzerlekkä bağışlanğan utırış ütkärergä qarar itte. İctimaği üzäk citäkçelege bu utırışqa Tatarstannıñ ictimaği üzäkkä qarağan barlıq oyışmalarınıñ da, ayırılğanınıñ da, bülengäneneñ dä wäkilläre kiler, dip ömetlänä. Çönki Rusiädä xalıq sanın alu millät yazmışın qurqınıç astına quya. Tarqawlıqqa, bitaraflıqqa çik quyarğa kiräk, dip sanıy ictimağıy üzäk citäkçelege.

Küptän tügel Tatarstannıñ Aqsaqallar şurası, anıñ yaña räise Äxmät Galiev cämäğätçelekkä Bötenrusiä xalıq sanın aluğa bäyle möräcäğät belän çıqtı. Anda Aqsaqallar şurası tatar xalqın 2002 yılda uzdırılası xalıq sanın aluda nıq torırğa häm ğorur bulıp tatar bulu xoquqın yaqlap qalırğa häm millätne kürsätkändä, tatar digän grafanı ğına tutırırğa çaqırdı.

«Azatlıq» radiosı öçen Qazannan Yunıs Ätnäle
XS
SM
MD
LG