Accessibility links

шимбә, 3 декабрь 2016, Казан вакыты 07:42

Bua faciğäsen tikşerü däwam itä


Bua faciğäsen tikşerü däwam itä

Uzğan atnada Bua rayonı yullarında qoyılğan qan qarğa señsä dä, bu waqiğa keşelärneñ xäterennän çıqmıy. Ni säbäptän Almaz Şahiev häm Mixail Suxorukov desantçılarnıñ xärbi bülegen taşlap kitkän? Ni öçen alarğa berkem dä qarşı tora almağan? Mäğlümät çaraları bik ğadi genä itep, Almaz Şahievnıñ yörgän qızı başqa keşegä kiyäwgä çığu säbäple şuşı qanlı faciğä kilep çıqtı dip añlattılar. Xäzer inde bu versiägä ışanuçılar yuq diärlek. Çönki Mixail Suxorukov üze belän bergä armiädän qaçqan dustın atıp üterep, üz-üzenä qul salırğa citkän ikän, dimäk monda eş Vasil'evo stansiäsendäge ber qıznıñ mäxäbbät macarasında ğına tügel. Ni öçen äle ber qız öçen ike keşe 200-läp patron, ike avtomat kütärep şoferlar häm militsionerlar üterä-üterä yıraq säfärgä çıqsın. Alar närsäder qılmaq bulğannar häm bu plan cimerelgän ikänlege kürenep tora.

Äytik, Bua rayonı çigendä totıq itep alınğan ber maşina yörtüçe niçek isän qalğan? Ni öçen anı banditlar üzläre belän bergä alıp kitkännär häm annarı ul qotıla alğan. Matbuğatta äytelmäsä dä, bu xaqta exclusive mäğlümätebez şundıy: totıq itep alınğan maşina yörtüçe benzin salu stansiäsendä üz maşinasınıñ akkumulyatorın saftan çığarırlıq itep yaqtırtu faralarınıñ timer çıbıqların butaştırğan. Moña qädär banditlar älege maşina yörtüçe belän bergäläşep öçesenä ber yartı araqı eçkän. Yäğni, maşinağa höcüm itep, ike keşene ütergännän soñ, öçençesenä ber stakan araqı salıp birgännär. Näticädä, şok xälätendä bulğan bu maşina yörtüçe tiz genä üz añına kilgän häm qaçu planın uylap çığarğan. Benzin salu stansiäsendä maşina süngännän soñ, ul maşinanı etep qabızırğa täqdim itkän. Ber desantnik rul'dä, totıq aldağı utırğıçta kileş ikençe desantnik avtomatın qaldırıp maşinadan töşkän häm anı etergä tırışqan. Şuşı wäzğiättän faydalanıp totıq maşinadan töşep qarañğılıqqa yögerä häm üzeneñ kürşe awılına barıp citkänen dä sizmi qala. Yäğni, qorallı ike soldatnıñ nindider aldan salqın aqıl belän uylanğan planına qarşı üz planın qorğan bu keşe ğadi qorban bulırğa telämgän.

Cämäğätçelek häm, bigräk tä jurnalistlar, ni öçen pistolet totqan militsionerlar avtomatlı desantniklar, maxsus äzerlek ütkän başkisärlär belän köräşergä tieş, dip aptırıy. «Tatarstan-İtoği nedeli” tapşıruında Leonid Tolçinskiy militsionerlarnıñ xärbi xezmätkä barırğa tieşle yegetlärne cıynap voenkomatqa kiterüläre turında açınıp söyläde. İnde armiägä ozattıq, qotıldıq dip torğanda, şul uq militsiägä qarşı yaqtaşları soldat bulıp avtomatlar totıp kire qaytalar. Ä militsiä mondıy köçkä qarşı torırğa öyrätelmägän.

«Vostoçnıy ekspress» gazetası «Gde bıl spetsnaz, general Timercanov?» digän isem astında mäqälä bastırdı. Maxsus äzerlängän spetsnaz desantniklarğa tora alır ide. Küräseñ, maxsus bülek citärlek bulmağandır. Xäyer, Tatarstannıñ 400 militsionerı qayda ikänlegen işetep torasızdır. Alar — Gudermesta. Konstitutsion tärtip saqlıylar. Ul arada üz öylärenä, üz iptäşlärenä höcümgä qarşı toruçılar citmi.

Däwlät televideniäseneñ «Sez professional' armiä kiräk dip sanıysızmı?» digän sorawğa, «Äye» dip cawap birüçelär küpçelekne, 80-90 protsent täşkil itte. Professional' armiäne asrarğa Rusiäneñ aqçası barmı dip sorawçı bulmadı. Xäyer, bolay da añlaşıla inde. Däwlät Dumasında armiä turında söyläşkändä Bua faciğäsendä häläk buluçılarnı iskä alıp ber minut tınlıq iğlan itärgä dä kiräk dip tapmaw, tatarstanlılarnı ber dä söyendermäde.
XS
SM
MD
LG