Accessibility links

дүшәмбе, 5 декабрь 2016, Казан вакыты 21:50

Jurnalist Tälğät Barievqa qarşı cinäyät eşe açılğan


Jurnalist Tälğät Barievqa qarşı cinäyät eşe açılğan

Läkin menä tatar jurnalistlarınıñ qayber yazmalarında xalıqara ızğışqa öndäw, şäxesne räncetü häm tağın nindider bulmağan ğäyeplär tabıp, alarnı mäxqämägä birälär. Mäsälän, Lev Ovrutskiynıñ ğarizası buyınça uzğan yılnıñ dekaber axırında Tälğät Barievqa qarşı cinäyät eşe quzğatıldı. Tälğät äfändedän inde podpiska o nevıyezde — çitkä çığıp kitmäw turında imza da alınğan. Şulay itep, eş zurdan quptı bulsa kiräk. Şuşı könnärdä genä bilgele bulğança, kilep tuğan wazğıätkä tatar pen-üzäge qarşı çıqtı. Şuşı üzäkneñ direktorı Äxät Muşinskiy süzlärenä qarağanda, alar Tälğät Barievnı mäxqämädä yaqlarğa kileşkännär. Närsädä ğäyeplänä soñ jurnalist? Uzğan yılnıñ axırında «Vostoçnıy ekspress» gazetasında ul ber felyeton bastırğan ide. Bu mäqälädä gäcit bitlärendä waq-töyäk xatalar tabıp, satirik kommentariylar birüçe Dikobr Bobrovskiy iseme astında yazuçı jurnalist iskä alınğan. Mäqälä «Polnıy klizmets» dip isemlängän ide. Şuşı süzlär millätlär arasında ızğış uyatuğa kiteräme, yuqmı ikänlegen xäzer mäxkämä bilgelärgä tiyeş bula. Bu eşneñ närsä belän tämamlanuı turında bez sezgä kiläse tapşırularıbızda citkererbez.
XS
SM
MD
LG