Accessibility links

якшәмбе, 4 декабрь 2016, Казан вакыты 23:36

«Tatarstan yäşläre» estrada cır bäygesendä Rufinä Ğiläceva ciñde


«Tatarstan yäşläre» estrada cır bäygesendä Rufinä Ğiläceva ciñde

Qazanda törle festivallär, cır bäygeläre yış ütä. Şularnıñ çirattağısı başqalabızda 9-10 fevral'dä bulıp uzdı. Bıyıl inde öçençe märtäbä ütkän «Tatarstan yäşläre» dip isemlängän bu cır festivalen Tatarstannıñ sport häm yäşlär eşläre ministrlığı, «Tatarstan yäşläre» gazetası, «Quray» radiosı häm «Aqsu» studiäse oyıştırdılar. Bäygedä 65 yäş, talantlı cırçı qatnaştı. Alar respublikanıñ 25 rayonınnan ğına tügel, ä Rusiäneñ törle töbäklärennän - Perm ölkäsennän, Magnitogorsk, Novosibirsk şähärlärennän dä kilgännär. Ciñüçe bulıp Bögelmä qızı Rufinä Ğiläceva tanıldı. Şuşı bäygene uzdırunıñ maqsatları turında festival'ne oyıştıruçılarnıñ berse, kompozitor Cäwdät Ğıylmanov söyläde:

Min mondıy bäygene uzdıru niäte belän inde 1996 yıldan birle yördem. Yäş tatar yeget-qızları bit moñlı, suzılıp cırlıy torğan tatar xalıq cırların ğına başqarmıy, alarnıñ estrada, rok, djaz da cırlıysı kilä. Şuña kürä, alar urısça cırlıy başlıy. Monı buldırmastan bez şuşı bäygene ütkärergä buldıq.
XS
SM
MD
LG