Accessibility links

пәнҗешәмбе, 8 декабрь 2016, Казан вакыты 03:11

Qazan jurnalistları Lev Ovrutskiy häm Tälğät Bariev arasında añlaşu däwam itä


Qazan jurnalistları Lev Ovrutskiy häm Tälğät Bariev arasında añlaşu däwam itä

Soñğı yıllarda Rusiädä «xaqimiät vertikalen nığıtu arbasına utırıp», arba xucası cırların cırlaw bik populyarlaşıp kitte. Hiçşiksez, täcribäle, ütemle itep yaza torğan jurnalist Lev Ovrutskiy inde küptännän Tatarstan qanunnarın, anıñ milli mäsälälärgä, ike telellekkä, latinğa qağılışlı qanunnarın, qararların, yomşaq qına itep äytkändä, törleçä tänqitli. Qıl östennän barğan kebek federal' üzäk qanunnarı buyınça ğına barsaq, Tatarstanda yäşäwçe barlıq xalıqlarğa da tulı xörriät kiläçäk, dip sanıy ul. Ä inde qayda yäşägäneñ, qayda eşlägäneñ iskä alıp, anıñ kebek ük ütker telle jurnalist Tälğat Bariev «Восточный экспресс» gazetasında «Полный клизмец» digän mäqälä yazıp çıqqaç, Lev Ovrutskiy monı mısqıl itü dip, prokurorğa şiqäyät itkän. Xäzer Tälğat Bariev prokuratura, tikşerüçelär busağasın taptıy.

Şul uq «Звезда Поволжья» gazetası soñğı sanında Lev Ovrutskiynıñ redaksiägä yazğan xatın kiterä. Anda ul Tälğat Barievnı antisemitizmda tügel, ä Rusiä Federatsiäseneñ cinäyät kodeksınıñ 130-nçe matdäseneñ 2-nçe bülegendä qaralğan, cämäğätçelek aldında, yä bulmasa massaküläm mäğlümat çaralarında xurlawda ğäyeplägäne turında yaza. Menä şulay, inde berniçä yıl Tatarstan qanunnarına, mäğlümät çaralarına tulı ber reviziä ütkärgän, üzen «защитник ограниченного суверенитета для Татарстана» dip atağan Lev Ovrutskiy, däwläten, qanunnarın yaqlap çıqqan qalämdäşe Tälğat Barievnı kiçerä almadı.
XS
SM
MD
LG