Yaz ayın xäterlätkän fevral' hawası yäşlärne cilkendersä dä, urta häm ölkän buın oşbu romantik könne dä tormış mäşäqätlärenä çäpçüdän tıyılıp tormadı. Mäsälän, «Şähri Qazan» gazetasına mäktüp yullağan Xämbäl äfände Ğilmullin bolay da ontılmıy torğan yañalıqnı iskärtä. «Äle 1-nçe ğinwardan soñ ğına, - dip yaza ütker küzle pensioner, - ber kubometr ğaz 37 tiennän 43,5 tiengä üste, ber minut telefonnan söyläşü 8 tiennän 9 tiengä, abonent bäyäse 30 sumnan 49 sumğa kütärelde». Xämbäl äfände älege qimmätlänüneñ säyäsi säbäplären dä açıqlağan. Anıñ süzlärençä, Mäskäwdäge vertikal' xaqimiät Tatarstannı tabiğıy baylıqlarınnan mäxrüm itü yulların ezläp taptı. Bez üzebezneñ Konstitutsiäbezne yaqlap qala almadıq. Xäzer yañası äzerlänä. Möğaen, ul Rusiä Konstitutsiäseneñ küçermäsenä äyläner. Ni qızğanıç, töp qanunıbızda kürsätelgän xoquqlarnı iskä töşergän zatlar da kürenmi».