Accessibility links

җомга, 9 декабрь 2016, Казан вакыты 10:58

Mintimer Şäymiev: «Rusiä töbäklärendä saylaw şartları ber törle bulırğa tieş»


Mintimer Şäymiev: «Rusiä töbäklärendä saylaw şartları ber törle bulırğa tieş»

Prezident Mintimer Şäymiev «İnterfax» agentlığına birgän intervyusında töbäklär citäkçelären dä Rusiä Prezidentın saylağan normalar buyınça saylarğa kiräk dip beldergän. Yäğni, saylawçılarnıñ 50 % + 1 tawışın cıyğan region başlığı saylanğan dip sanalırğa tieş. Tatarstanda saylawlarnıñ şul räweştä uzuın iskärtep, Mintimer Şäymiev qayber töbäk citäkçeläre 10-15 % tawış cıyıp saylana, ä qayberläre 50% tawış alırğa mäcbür, digän. Oşbu intervyuda Tatarstan Prezidentı «min baştan uq Federatsiä Şurasın da saylaw yağında tordım. Bügen region citäkçelären östän bilgeläw turında süz bulalmıy», dip beldergän.

Şulay itep, Tatarstan liderı Rusiädä demokratiä prinsiplarına tayanıp eşläwne mäxqul, dip sanıy. Älbättä, qayberäwlär Mintimer Şäymievqa Tatarstanda şähär, rayon xaqimiäte citäkçelären xalıq tarafınnan saylanıp quyılmawın iskärtergä buldıralar. Monısına da cawapnı ällä qaylardan ezlise yuq. Yaña Konstitutsiä nigezendä xaqimiät başlıqları vlaçqa saylanu yulı belän genä kiläçäklär.
XS
SM
MD
LG