Accessibility links

җомга, 9 декабрь 2016, Казан вакыты 13:04

«Tatarstan mäxqämäläre kem qaramağında bulırğa tieş?» digän soraw inde kütärelmi dä


«Tatarstan mäxqämäläre kem qaramağında bulırğa tieş?» digän soraw inde kütärelmi dä

Comğa könne «Livadiä» şifaxanäsendä Tatarstan xakimnäreneñ XIV konferensiäse üzeneñ eşen tögälläde. İke kön däwamında barğan älege çarada Tatarstan parlamentı citäkçese Färit Möxämmätşin qatnaştı häm çığış yasadı.

Oşbu çetrekle tarmaqnıñ eşendä uñışlar da bar, kimçeleklär dä citärlek ikän. Bezneñ xakimnär qayçaq ütä usallıq kürsätep, yuq qına cinäyät öçen keşene timer räşätkä artına cibärälär, ä zur cinäyät qıluçılarnıñ başınnan sipıylar. Älege kimçelekkä Färit Möxämmätşin dä iğtibar itte.

Yuğarı mäxkämä räise Gennadi Baranov süzlärenä qarağanda, uzğan yılnı respublikada xakimnär 3 meñ keşene yalğış cawapqa tartqannar. Şul uq waqıtta 2001 yılda mäxqämälär 8 yaña bina alu bäxetenä ireşkännär, bıyıl respublikanıñ Yuğarı mäxkämäse binası da tözelä başlıy.

Konferensiädä bu yulı mäxqämälär kem yurisdiksiäsendä digän tema bötenläy yañğıramadı. Säyäsät cilläreneñ qay yaqtan iskänen çamalağan keşe mondıy sorawnı birergä cörät itär ideme ikän?
XS
SM
MD
LG