Accessibility links

җомга, 9 декабрь 2016, Казан вакыты 05:07

Qamal teatrında «Basketbolçı» spektakleneñ premierası ütte


Qamal teatrında «Basketbolçı» spektakleneñ premierası ütte

Uzğan şimbädä Qamal teatrında Mansur Ğiläcevnıñ «Basketbolçı» isemle p'esası buyınça quyılğan spektakl' premierası ütte. Marsel' Sälimcanov rejisserlıgında bu tamaşa ber qarasañ awıldağı eşsez uqıtuçı häm ğärip-ğoräbä, särxüşlärneñ professional' basketbol komandası oyıştırıp, Qazanğa barıp «Uniks»nı ciñärgä xıyallanuı turında. Yäğni, zur aqçalar totıp professional' sport üsterügä qarağanda, massaküläm fizkul'tura möhimräk digän fikergä işarä sizelä. Ämmä, bu spektakl'dä qızıl-zäñgär töstäge hawa şarına utırğan awıl sportçıları Tatarstan alämen kütärep oçıp kitälär dä, yaqındağı sazlıqqa barıp töşälär. Tatarstan flagın iñenä yapqan artistqa Näcibä İxsanova zalda utıruçı respublika citäkçelärenä qarap, “tağın barıp çıqmadı”, dip uftana. Ğomümän, bu spektakl'dä Rinat Täcetdinov, Daniä Nurlı, İldüs Äxmätcanov häm başqa artistlar iskitärlek uynap kürsätälär. Spektakl'dä törle kinayäle törtmä süzlär, säyäsi yaqtan kisken fikerlär yañğırıy. Tamaşaçılar kölä, alar belän Tatarstannıñ iñ berençe citäkçeläre räxätlänep kölä. Xäzerge zamannıñ açı xaqiqäten kürsätergä qıyulıq citärlek ikän. Üz-üzennän barı köçle häm ölgergän millät kenä şulay kölä ala. Ä näticälären soñraq yasarbız.

«Azatlıq» radiosı öçen Qazannan Rimzil Wäli
XS
SM
MD
LG