Accessibility links

җомга, 9 декабрь 2016, Казан вакыты 01:05

İndus Tahirov, avgust azağında Qazanda III Bötendönya tatar kongressı ütäçäk, dip belderde


İndus Tahirov, avgust azağında Qazanda III Bötendönya tatar kongressı ütäçäk, dip belderde

Pänceşämbe, 21 fevral', YUNESKO tarafınnan iğlan itelgän tuğan tellär köne. Şuşı häm Tatarstan xalıqları telläre turındağı qanun qabul itelügä 10 yıl tulu uñayınnan «Tatarstan» telekompaniäse üzeneñ irtänge «Çulpan» programmasında Tatarstan Däwlät Şurasınıñ Fän, mäğärif häm milli mäs’älälär komissiäse räise Räzil Wäliev belän äñgämä täqdim itte. Tapşıruda Bötendönya Tatar Kongressınıñ Başqarma komitetı räise İndus Tahirov belän turıdan-turı söyläşü dä uzdı. Anda süz tatar tele, anıñ yazmışı turında bardı. Jurnalist Flera Abdullina sorawına cawap birep, İndus äfände Tahirov tatar kongressınıñ töp maqsatlarınıñ berse — tuğan telne üsterü, aña yardäm itü, anıñ yäşäw tirälegen arttıru, dip äytte. Xäzer, pasportlarda millät kürsätelmägäç, keşeneñ milli ruxı, tamırları milli tel häm mädäniät yardämendä bilgelänä häm üseş ala. Härkem üzeneñ äti-äniseneñ nindi teldä söyläşkänen, nindi milli ğöref-ğädätlär buyınça yäşägänen belergä tieş. Keşeneñ milläte pasportta yäki başqa däwlät käğäzlärendä tügel, ä anıñ küñelendä, anıñ ruxi ixtıaclarında kürenä. İndus Tahirov, bik küp Rusiä töbäklärendäge tatar cämğıätläreneñ «Tuğan tel» iseme belän oyıştırıluına häm yäşäwenä iğtibar itte. Soñğı yıllarda milli tellärgä, bigräk tä Tatastandağı tatar telenä iğtibar arttı, bu mäs'älädä alğa kiteş tä, çigeneşlär dä bar dide İndus Tahirov. Şulay uq äñgämä waqıtında bıyıl cäy utäçäk çirattağı Bötendönya tatar kongressına äzerlek turında da äytelde. Kongress bulamı, yuqmı, bu turıda qayçan ukaz çığaçaq dip qızıqsınuçılar bar. İndus äfände, kongress bıyıl bersüzsez bula, dip belderde. Çönki ustav buyınça şuşı yılnıñ 29 avgustında 5 yıl elek ütkärelgän II Kongress saylağan Başqarma komitetnıñ wäkälätläre tämamlana. Şulay bulğaç, bu oçraqta prezident ukazı buyınça tügel, ä xalıqara ictimaği oyışmalar berlege ustavı buyınça kongress bilgelänä. Däwlät oyışmalarında tieşle räweştä terkälgän oyışma, üz qararı belän tieşle waqıtta çirattağı kongressnı ütkäräçäk. İndus äfände süzlärenä qarağanda, bu eşkä Tatarstan prezidentı häm xökümäte kiräkle yardämne kürsätäçäk.
XS
SM
MD
LG