Accessibility links

пәнҗешәмбе, 8 декабрь 2016, Казан вакыты 03:22

Başqort tele niçek kilep çıqqan?


Başqort tele niçek kilep çıqqan?

Başqortostanda tatarlarnıñ sanın kimetü, başqortlarnıñ sanın arttıru ğämälläre turında beläsezder. Ämmä, xäzer pasportta häm eş käğäzlärendä millät kürsätelmägäç milli ixtiaclarnı qänäğätländerü üzençälekle bulaçaq. Mäsälän, keşe tuğan tele itep nindi telne kürsätä? Asqın, Qara İdel rayonnarında totaş awıllar başqort awılları dip iğlan itelsä dä, anda yäşäwçelärneñ tuğan tele nindi ikän soñ? Şuşı xaqta Başqortostan respublikasınıñ Birski şähärendä yäşäwçe şağir Radik Nuretdinovnı tıñlap qarağız. Şulay uq ul, Başqortostanda tatar basmalarınıñ az taratıluına da iğtibar itep, bu xaqta da üz fikerlären citkerer: Soñğı arada Başqortostanda tatar telen mäktäplärdän, radio-televideniedän çitläşterü säyäsäte alıp barıla. Bu tiskäre küreneş tatar cämäğätçelegen borçiy. Şulay uq respublikada tatarlar sanın räsmi mäğlümätlärdä äzäytıp kürsätü küreneşläre dä bar. Mäsälän, Başqortostannıñ tönyaq-könbatışında. Şulay uq tatar matbuğatın taratu belän dä respublikada eşlär bik naçar tora. Şunıñ öçen bez üzebez Tatarstanda çıqqan kitaplar, gäcitlärne taratu belän şöğellänergä buldiq. Mart başlarında bez inde eşkä kereşäçäkbez. Sez Başqortostannan Radik Nuretdinovnı tıñladığız.
XS
SM
MD
LG