Tatarstan Fännär Akademiäsen kem citäklär?

Xäbärneñ axırında fän ölkäsendäge yañalıqlar. Respublika ğalimnäre 20-21 fevral'dä ütäçäk Tatarstan Fännär akademiäseneñ yıllıq ğömümi cıyılışına ciıldılar. Anda yıllıq xisap çığışları bulaçaq, Fännär akademiäseneñ soñğı 5 yıllıq eşçänlegenä näticälär yasalaçaq. Şulay uq bu ciılışta akademiäneñ citäkçe organnarı, şul isäptän, prezidentı da saylanaçaq. 21 fevral'dä Qazanda «Ğayaz İsxaqi häm tatar mäğärife» digän fänni-ğämäli konferensiä ütäçäk. Anı Tatarstannıñ Mäğärif ministrlığı häm mäğärif xezmätkärläreneñ belemen kütärü institutı ütkäräçäk. Anda akademik Mansur Xäsänov, Mäğärif ministrı urınbasarı İlsur Hadiullin, ministrlıqnıñ bülek mödire Radik Zaripov, pedagogiä häm Qazan däwlät universitetınıñ kafedra mödirläre Azat Äxmädullin, Xatıyp Miñneğulov, professorlar Äxmät Saxapov, Dilärä Zahidullina Ğayaz İsxaqinıñ mirası xaqında çığış yasıyaçaqlar. «Azatlıq» radiosı öçen Qazannan Gölnaz İlgizär.