Accessibility links

җомга, 9 декабрь 2016, Казан вакыты 12:56

Tatarstan Konstitutsiäseneñ yaña redaksiäsen Däwlät Şurası utırışına äzerläw tämamlandı


Tatarstan Konstitutsiäseneñ yaña redaksiäsen Däwlät Şurası utırışına äzerläw tämamlandı

Näq atna urtasında Tatarstan Konstitutsiäseneñ yaña redaksiäse finiş sızığına çıqtı. Anı daimi komissiälärdä soñğı tapqır tikşerü häm Däwlät Şurasınıñ plenar sessiäsenä täqdim itü tämamlandı. 20-nçe fevral'dä Däwlät Şurası prezidiumı utırışında 10-nçı plenar sessiä utırışına äzerlek mäs’äläläre tikşerelde. Kön tärtibenä tağın östämä 10 mäs'älä kertelde. Şulay da, töp mäs'älälär bulıp, Prezident Mintimer Şäymievneñ Däwlät Şurasına yıllıq yullaması häm Konstitutsiäneñ yaña redaksiäsen berençe uqılışta qabul itü qala. Prezidium utırışınnan soñ Däwlät Şurası räise Färit Möxämmätşin «äle Tatarstan parlamentı eşçänlege tarixında Prezident yullaması belän Konstitutsiä mäs’äläsen tikşerüneñ bergä turı kilgäne yuq ide, şuña kürä bu tarixi waqığağa äwerelä», digän fiker äytte.

Bu waqığağa xalıqnıñ zur qızıqsınuın isäpkä alıp, prezidium utırışında sessiädän turıdan-turı radio häm televizion translyatsiä alıp barırğa täqdim itelde. Bu täqdim sessiä başında tawışqa quyılaçaq, ägär dä ütsä, şunda uq turı translyatsiä başlanaçaq. Mäğlüm ki, däwlät, Däwlät Şurası citäkçeläre Konstitutsiäneñ yaña redaksiäse referendumğa quyılmayaçaq, dip belderdelär. Şulay da, qayber cämäğätçelek oyışmaları häm oppozitsiädäge mäğlümät çaraları referendum mäs’äläsen quzğatalar. «Звезда Поволжья» gazetası möxärrire Räşit Äxmätov gazetanıñ soñğı sanında mart başında Konstitutsiä tekstı xalıq tikşerüenä çığaralaq, annan soñ, tözätmälär kertkännän soñ, bälki referendum ütkäreler. Ul aprel' azağında, yä bulmasa, may başında bulırğa mömkin. Referendumnan soñ, mayda Däwlät Şurası Konstitutsiäneñ yaña tekstın rasliaçaq. Annan soñ Däwlät Şurasına saylawlar häm administratsiä başlıqların saylawlar turında qanunnar qabul itärgä kiräk bula. Bu tağın ber ay. Referendum variantı, yaña saylawlar minimum 4 aydan soñ, üktäberdä genä bulaçaq, dip yazıp çıqtı.
XS
SM
MD
LG