Accessibility links

дүшәмбе, 5 декабрь 2016, Казан вакыты 11:38

Däwlät Şurası komissiäse räise Räzil Wäliev: <I>”cämğıättä tınıçsızlıq, qarşılıqlar bulğanda, referendum ütkärü kiräkmi.”</I>


Däwlät Şurası komissiäse räise Räzil Wäliev: ”cämğıättä tınıçsızlıq, qarşılıqlar bulğanda, referendum ütkärü kiräkmi.”

Referendum bulırmı, yuqmı? Däwlät Şurasınıñ Fän, mäğärif, mädäniät häm milli mäs'älälär komissiäse räise Räzil Wäliev pänceşämbe könne «Azatlıq» radiosına interview birde. Räzil Wäliev referendum ütkärü-ütkärmäw äle xäl itelmägän, di. Monı Däwlät Şurası plenar utırışında xäl itäçäk. Anıñ fikerençä, xäzerge wäzğıättä, cämğıättä tınıçsızlıq, qarşılıqlar bulğanda, referendum ütkärü kiräkmi. Razil Wäliev fikerençä, Däwlät Dumasınıñ respublikalar grajdanlığı turındağı täqdimne kire qağuı xakimiät vertikalen nığıtunıñ, töbäklärgä basım yasaw säyäsäte çılbırınıñ ber buını ğına. Ämma Tatarstannıñ statusı Konstitutsiädäge 61-nçe matdä belän bilgelängän häm ul referendum belän qabul itelgän. Şuña kürä ul üzgärtelergä tieş tügel. Möstäqil däwlät grajdannarınnan, watandaşlarınnan tora. Milli respublikalarda grajdanlıqnı yuqqa çığaru bernindi dä demokratik qısalarğa sıymıy. Tatarstan Däwlät Şurası Rusiäneñ grajdanlıq turındağı qanunına milli respublikalar grajdanlığı turında matdä kertü täqdimennän waz kiçmi. Bu uñaydan bez Rusiä Prezidentına möräcäğät itärgä tieşbez, dide Räzil Wäliev.
XS
SM
MD
LG