Accessibility links

пәнҗешәмбе, 8 декабрь 2016, Казан вакыты 05:17

Tatar İctimağıy Üzäge Berezovskiy belän nindi mönäsäbättä?


Tatar İctimağıy Üzäge Berezovskiy belän nindi mönäsäbättä?

Kemgä tayanırğa soñ tatarğa? Ä kem cılı qaraş taşlıy, kem yärdäm qulı suza -- şuña inde. Tatar ictimağıy üzäge räise urınbasarı Mars Şämsetdinov Rusiäneñ liberal' partiäse cıyılışına barıp, Tatarstanda da anıñ bülekçäsen açu telägen beldergän ide. Şunda uq «Efir» telekompaniäse, Tatar ictimağıy üzäge Berezovskiy firqäsenä kergän, digän xäbär tarattı. Här säyäsätçeneñ, ictimağıy oyışmanıñ waqıtlı yäki daimi yuldaş tabuı mömkin. Änä bit, Sarman rayonında spirt çığarıp, araqı satıp bayığan Sälimxan Äxmätxanov tatar älifbasın awızlıqlaw öçen eşquar Şaşurin häm kommunist Saliy belän berläşkän. Şulay da, tatar milli xäräkätendä bilgele bulğan ictimağıy üzäk çınnan da Berezovskiy aqçasına yäşime, digän soraw belän şuşı oyışmanıñ citäkçese Räşid Yäğfarovqa möräcäğät ittek. Ul menä närsä äytte:

Bez berqayçan da Berezovskiy firqäsenä kermädek. Bu «Efir» telekompaniäseneñ yalğanı. Äye, bez alarnıñ ustavları belän tanıştıq, anda şaqtıy ğına bezneñ öçen qızıq bulğan närsälär bar. Mäsälän, här xalıqnıñ üzbilgelänü mömkinlege. Tatar ictimağıy oyışması räise urınbasarı Mars Şämsetdinov alar belän xezmättäşlek itä. Ul Rusiä liberal' firqäseneñ qorıltayında da qatnaştı. Läkin TİÜ üz yulınnan bara. Xäzer Mäskäw tatar xalqınıñ ireklären qısrıqlıy. Däwlät Duması komitetında Rusiä xalıqları barı tik kiril älifbasında ğına yazarğa tieş digän qanun proektın tikşerälär. Bez moña qarşı çığabız. Tatarstan Konstitutsiäsenä kilgändä, bez anı yaqlap piketqa çığarğa cıyınabız. 15 aprel'dä qorıltay ütkäräçäkbez. Qamal teatrı 1 martta «Basketbolçı» spektaklen bezneñ faydağa tamaşa qılaçaq.

Şunısı añlaşıldı, Tatar ictimağıy üzägenä Berezovskiy äle küzgä qırıp salırlıq baqır da birmägän. Xalıq sanın alu yılında törle milli cämğıätlär belän xezmättäşlek itep tatarlarnıñ üzañın barlaw çaraların kürü öçen beraz matdi yärdämne Qamal teatrı artistları häm xezmätkärläre kürsätergä cıyına ikän. Şamil' Zakirov citäklägän bu icadi kollektiv bolay artıq tuyıp sikergän häm bay dip äytep bulmıy. Härxädä, araqı çığaruçı agrofirmalar belän yarışa almıy. Şulay da, milli eşkä näq menä şundıy fidaqär cannar ruxi häm matdi köçen qızğanmıy da inde.
XS
SM
MD
LG