Accessibility links

якшәмбе, 4 декабрь 2016, Казан вакыты 15:26

...Millätara häm dinara mönäsäbätlär...


Yullamada millätara häm dinara mönäsäbätlär ayırım ber bülek täşkil itä, häm Prezident çığışında da bu bülekkä täfsille tuqtaldı. Tatarnı bülgäläwgä ayırım mönäsäbät birelä. Yullamadan ber özek:

Ozaqlamıy uzaçaq xalıq sanın alu ayıruça tatar xalqın Seber häm keräşen tatarlarına, şulay uq nogaybäklärgä häm tağın berniçä törkemgä bülgän millätlär isemlege proyektı cämğiättä şaqtıy zur rizasızlıq tudırdı. Moña qadär alar tatar xalqınıñ ber öleşe bularaq qaralğanğa, ul ğalimnärne häm kiñ cämäğätçelekne tämam aptıraşta qaldırdı. Törle töbäklärdä yäşäsälär dä, tatarlar berük ädäbi teldä söyläşälär, berdäm bay ädäbiätkä iälär, alarğa bezneñ urtaq mädäni institutıbız xezmät kürsätä. Şul uq waqıtta din millätne oyıştıruçı faktor bularaq qarala almıy. Qayber keräşen oyışmaları üzlären möstäqil xalıq itep sanaw mäsäläsen kütärgäç, ireksezdän mondıy aksiäneñ maqsatı nidän ğibärät soñ digän zakonlı soraw tua. Närsä, ällä Tatarstanda nindi din totuına qarap keşene qısu barmı, yäisä pravoslav çirkäwlär citmime? Keräşen tatarları tatar häm rus standart mäktäplärendä uqıylar häm bu xäl alarnı qänäğätländerä. Mondıy mäsälälärne kütärgändä cide qat ülçäp, ber qat kisärgä kiräk. Bez Tatarstanda yäşäwçe här xalıqnıñ üzençleklären xörmät itäbez, mädäni cämğiätlären tözüne xuplıybız. Tik alarnı säyäsiläşterüdän saq bulırğa kiräk.

Bu bülektä Tatarstanda töp konfessiälär islam häm pravoslavie arasında urnaşqan añlaşu konstatatsiälänä.
XS
SM
MD
LG